ত্ৰিপুৰাত বি এছ এফ বেটেলিয়নত পুনৰ ২৪ জন ক’ভিড-১৯ আক্ৰান্ত, মুঠ ৮৮লৈ বৃদ্ধি

২৪ গৰাকী লোক বি এছ এফৰ ত্ৰিপুৰাস্থিত ৮৬নং বেটেলিয়নত ক’ভিড-১৯ পজিটিভৰূপে চিনাক্ত হৈছে।

ইয়াৰ ফলত ৰাজ্যখনত মুঠ ক’ভিড-১৯ আক্ৰান্তৰ সংখ্যা ৮৮গৰাকীলৈ বৃদ্ধি পাইছে।

ৰাজ্যখনত অসামৰিক আক্ৰান্ত লোক নাই যদিও বি এছ এফৰ বেটেলিয়নত ক’ভিড-১৯ পজিটিভ ধাৰাবাহিকভাৱে চিনাক্ত হৈ আহিছে।

বুধবাৰেও আম্বাছাস্থিত ১৩৮নং বেটেলিয়নত ২২ গৰাকী লোকক ক’ভিড-১৯ পজিটিভ পোৱা গৈছে। আক্ৰান্তসকলৰ ১৮জন পুৰুষ, ১ গৰাকী মহিলা আৰু এটি শিশু।

🔔 ALERT 🔔

24 persons from 86th-Bn #BSF Ambassa found #COVID19 POSITIVE today

📌Total #COVID19 patients in Tripura now stands: 88

⏩Active cases: 86
⏩Discharged: 02

There is no POSITIVE case among civilians.

Stay Safe.

⏱️ Updated at 10.30 pm / May 7#TripuraCovid19Count

— Biplab Kumar Deb (@BjpBiplab) May 7, 2020

ৰাজ্যখনত যোৱা পাঁচটা দিনত বেটেলিয়নটোত ধাৰাবাহিকভাৱে ক’ভিড-১৯ আক্ৰান্ত চিনাক্ত হৈ আহিছিল।

মঙলবাৰেও বেটেলিয়নটোত ১৩ জনক ক’ভিড-১৯ পজিটিভ পোৱা গৈছিল। তাৰে এজন আছিল মেছ ৱৰ্কাৰ।

সোমবাৰে ৰাজ্যখন ১১ বি এছ এফ জোৱান আৰু দুগৰাকী জোৱানৰ পৰিয়ালৰ সদস্য ক’ভিড-১৯ পজিটিভ ৰূপে চিনাক্ত হৈছিল।

ইয়াৰ পূৰ্বে দেওবাৰে ১২ গৰাকী আৰু শনিবাৰে দুগৰাকী বি এছ এফ জোৱান ক’ভিড-১৯ পজিটিভ চিনাক্ত হৈছিল।

জানিব পৰা মতে, শনিবাৰে জিলাখনত দুগৰাকী বি এছ এফ জোৱানক ক’ভিড-১৯ পজিটিভ পোৱাৰ পিছতে স্বাস্থ্য বিভাগে বাকীসকলৰো নমুনা সংগ্ৰহ কৰি পৰীক্ষা কৰিছিল।

ৰাজ্যখনত বৰ্তমান সক্ৰিয় ক’ভিড-১৯ আক্ৰান্ত হৈছেগৈ ৮৬গৰাকী।

দুগৰাকী ক’ভিড-১৯ আক্ৰান্ত আৰোগ্য হৈছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।