অহা ২৭ ডিচেম্বৰৰ পৰা শিৱসাগৰত অনুষ্ঠিত হ’বলগীয়া ২৭তম সদৌ অসম ‘মাষ্টাৰ্চ এথলেটিকচ চেম্পিয়নশ্বিপ-২০১৮’ ৰ প্ৰস্তুতিৰ সম্পৰ্কত আজি স্থানীয় পিয়লি ফুকন ষ্টেডিয়ামত এখন সভা অনুষ্ঠিত হয়।
অৰ্জুন ভোগেশ্বৰ বৰুৱাৰ সভাপতিত্বত অনুষ্ঠিত এই সভাত শিৱসাগৰ জিলা উপায়ুক্ত পল্লৱ গোপাল ঝাই আগন্তুক দিনত হ’ব লগীয়া মাষ্টাৰ্চ এথলেটিকচ চেম্পিয়নশ্বিপৰ আয়োজন সম্পৰ্কীয় বিভিন্ন দিশৰ ওপৰত আলোচনা কৰে।
উপায়ুক্ত গৰাকীয়ে পিয়লি ফুকন ষ্টেডিয়ামৰ মেৰামতি আৰু সৌন্দয্য বৰ্দ্ধন, খেলুৱৈ আৰু সংশ্লিষ্ট সকলৰ থকা খোৱাৰ সু ব্যৱস্থা, খেলৰ ব্যৱস্থাপনা, খেলপথাৰৰ উন্নীতকৰণ, খোৱা পানী আৰু শৌচাগাৰৰ ব্যৱস্থা আদি দিশ সমূহৰ ওপৰত বিস্তৃতভাৱে আলোচনা কৰাৰ লগতে আয়োজক সমিতিক এই দিশ সমূহৰ ওপৰত চোকা নজৰ ৰাখিবলৈ আহ্বান জনায়।
লগতে উপায়ুক্ত গৰাকীয়ে ২৭ তম সদৌ অসম ‘মাষ্টাৰ্চ এথলেটিকচ চেম্পিয়নশ্বিপ- ২০১৮’ৰ আয়োজনৰ ক্ষেত্ৰত জিলা প্ৰশাসনৰ তৰফৰ পৰা প্ৰয়োজনীয় সকলো ধৰণৰ সহযোগীতা আগবঢ়োৱাৰ আশ্বাস প্ৰদান কৰে আয়োজক সমিতিক।
সভাত শিৱসাগৰ জিলাৰ ক্ৰীড়া সন্থাৰ সভাপতি প্ৰমূখ্যে ক্ৰীড়া বিষয়া, উপ-ক্ৰীড়া সন্থাৰ বিষয়ববীয়া, বিভিন্ন দল-সংগঠনৰ বিষয়ববীয়া আৰু জিলাখনৰ মাষ্টাৰ্চ এথলেটিক সন্থাৰ সদস্যসকল উপস্থিত থাকে।
উল্লখযোগ্য যে, এই প্ৰতিযোগীতাখন অহা ২৭ ডিচেম্বৰৰ পৰা ৩০ ডিচেম্বৰলৈকে অনুষ্ঠিত হ’ব।