ত্ৰিপুৰাৰ খোৱাই জিলাত নিযুক্ত এজন ৩২ বৰ্ষীয় সীমান্ত সুৰক্ষা বাহিনীৰ (বিএছএফ) কনিষ্টবলৰ মৃতদেহ মুখ্য কাৰ্যালয়তে উদ্ধাৰ কৰা হৈছে।
মৃত বিএছএফ কনিষ্টবলজনক বালু ৰাম কুৰি বুলি চিনাক্ত কৰা হৈছে। ৰাম কুৰি তেলিয়ামুৰা অঞ্চলৰ খাচিয়ামঙ্গলৰ খণ্ড মুখ্য কাৰ্যালয়ত নিযুক্ত আছিল।
ত্ৰিপুৰা আৰক্ষীয়ে জানিবলৈ দিয়া মতে, বালু ৰাম কুৰি তেলিয়ামুৰাৰ বেটেলিয়নৰ মুখ্য কাৰ্যালয়ত চেণ্ট্ৰী ডিউটিত কৰ্মৰত আছিল।
ত্ৰিপুৰা আৰক্ষীৰ এগৰাকী বিষয়াই উল্লেখ কৰা মতে এজন হেড কনিষ্টবলে বালুক মুখ্য কাৰ্যালয়ৰ ভিডিঅ’ কনফাৰেন্স ৰুমত পৰি থকা অৱস্থাত প্ৰথমে দেখিবলৈ পায় আৰু কাৰ্যালয়ৰ আনসকলক খবৰ দিয়ে।
কনিষ্টবলজনৰ মৃত্যুৰ কাৰণ এতিয়াও জানিব পৰা হোৱা নাই। তেলিয়ামুৰাৰ এছডিপিঅ’ সোনাচৰণ জামাতিয়াই সদৰী কৰা মতে শৰীৰৰ পৰা তেজ ওলাই থকা অৱস্থাত বালুৰ মৃতদেহ পোৱা গৈছিল।
কাৰ্যালয়ৰ বিষয়াসকলে এই বিষয়ে অৱগত হোৱাৰ পিছতে ঘটনাস্থলীত উপস্থিত হয় আৰু মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে বুলি তেওঁ লগতে উল্লেখ কৰে।
মৰণোত্তৰ পৰীক্ষাৰ প্ৰতিবেদন পোৱাৰ পিছতহে মৃত্যুৰ প্ৰকৃত কাৰণ জানিব পৰা হ’ব বুলি বিষয়াগৰাকীয়ে লগতে সংবাদ মাধ্যমৰ আগত মন্তব্য কৰে।
