লাডাখৰ ভাৰত-চীন সীমান্তৰ সংঘৰ্ষত ৪৩ জন চীনা সৈন্য নিহত!
লাডাখত ভাৰত আৰু চীনা সৈন্যৰ মাজত হোৱা সংঘৰ্ষত ৪৩ গৰাকী চীনা সৈন্যও নিহত হৈছি বুলি দাবী কৰিছে চীনৰ সংবাদ মাধ্যমে।
সোমবাৰে নিশা হোৱা সংঘৰ্ষত এজন কৰ্ণেলসহ ২০ গৰাকী ভাৰতীয় সেনা জোৱানৰো মৃত্যু ঘটিছে।
লাডাখৰ গলৱান উপত্যকাত অব্যাহত থকা সীমান্তৰ বিবাদ আৰু উত্তেজনা নিষ্পত্তি আৰু প্ৰশমনৰ বাবে দুয়ো পক্ষৰ সেনাৰ মাজত কৰ্ণেল পৰ্যায়ৰ বৈঠক অব্যহাত থকাৰ সময়তে সোমবাৰে নিশা মুখামুখি সংঘৰ্ষত লিপ্ত হয় দুই পক্ষ সেনা।
লগতে পঢ়ক : গালৱানত প্ৰাণ দিলে ২০ ভাৰতীয় সৈন্যই ||শেহতীয়া আপডেট
প্ৰথমে এজন কৰ্ণেলসহ দুজন ভাৰতীয় সেনা জোৱান নিহত হোৱাৰ বাতৰি আহিছিল যদিও মঙলবাৰে নিশা ভাৰতীয় সেনা সূত্ৰই ২০ গৰাকী ভাৰতীয় সেনা জোৱান নিহত হোৱা বুলি সদৰী কৰে।
১৭ গৰাকী ভাৰতীয় সেনা জোৱান দুই পক্ষৰ হতাহতি গুৰুতৰভাৱে হৈছিল। চিকিৎসাধীন অৱস্থাতে লাডাখৰ তীব্ৰ শীতত আহত জোৱানকেইজনৰ মৃত্যু হোৱা জনাইছে ভাৰতীয় সেনাৰ সূত্ৰই।
লগতে পঢ়ক : উত্তপ্ত ভাৰত-চীন সীমান্ত : লাডাখত মুখামুখি সংঘৰ্ষত মৃত্যু কৰ্ণেলসহ দুই ভাৰতীয় জোৱান
ইফালে দিনৰ ভাগত চীনৰ পাঁচজন সেনা মৃত্যু হোৱা বুলি দাবী কৰা বেইজিঙৰ বিভিন্ন সংবাদ প্ৰতিষ্ঠানে মঙলবাৰে নিশালৈ ৪৩ জন চীনা সৈন্য নিহত হোৱী বুলি দাবী কৰিছে।
ভাৰতীয় সংবাদ প্ৰতিষ্ঠান এএনআইএ বেইজিঙৰ বিভিন্ন সংবাদ মাধ্যমৰ উদ্ধৃতি দি ৪৩ চীনা সৈন্য নিহত হোৱা বুলি প্ৰকাশ কৰিছে।
লগতে পঢ়ক : লাডাখৰ ভাৰত-চীন সীমান্তত এতিয়াও শাম কটা নাই উত্তেজনা : অব্যাহত আছে সেনাৰ বৈঠক
অৱশ্যে যোৱা ৰাতি পৰ্যন্ত বেইজিং প্ৰশাসনে চৰকাৰীভাৱে এই ঘোষণা কৰা নাই যদিও চীনৰ চৰকাৰী সংবাদ পত্ৰ গ্লোবেল টাইমছৰ সম্পাদকে নিজৰ টুইটাৰ একাউন্টত চীনা সৈন্যৰ মৃত্যু হোৱা বুলি টুইট কৰিছে।
ভাৰতীয় সেনা সূত্ৰৰ মতে দুই পক্ষৰ মাজত গুলী বৰ্ষণৰ ঘটনা ঘটা নাছিল। লাঠি, পাথৰ, ৰ’ড আদিৰে দুই পক্ষৰ মাজত আক্ৰমণ-পত্যাক্ৰমণৰ ঘটনাহে ঘটিছিল।
এই ধৰণৰ মুখামুখি খণ্ডযুদ্ধত কেনেকৈ দুয়োপক্ষৰ ইমানসংখ্যক সেনাৰ মৃত্যু ঘটিল তাকে লৈ প্ৰশ্নৰো উদ্ৰেক হৈছে।