বিশেষ ক্ষমতা ব্যৱহাৰ কৰি ৫ জন বিধায়ক মনোনীত! কাশ্মীৰ চৰকাৰৰ ওপৰত হেঁচা প্ৰয়োগৰ পৰিকল্পনা বিজেপিৰ

৩৭০ নং অনুচ্চেদ বাতিল কৰা হৈছে। বেলট বাকচত বিজেপিৰ এই পদক্ষেপে বিশেষ কাম কৰা নাছিল, ফলাফলৰ দ্বাৰা এই কথা প্ৰমাণিত। গতিকে ফলাফল ঘোষণা হোৱাৰ লগে লগে মিত্ৰজোঁটৰ চৰকাৰখনক কেনেকৈ বাহিৰ কৰি দিব পাৰি সেই সম্পৰ্কে অচৰ শিবিৰত আলোচনা আৰম্ভ হ’ল। চৰকাৰক আঁতৰাই নিদিলে গোটেই বছৰটো কেনেকৈ অশান্তিৰ সৃষ্টি কৰিব পাৰি সেই সন্দৰ্ভত বিজেপিৰ শীৰ্ষ নেতৃত্বই এক ব্যাপক আলোচনাত মিলিত হয়। বিজেপিৰ সূত্ৰ অনুসৰি উপ-ৰাজ্যপালৰ ক্ষমতা প্ৰয়োগ কৰি ভূস্বৰ্গ চৰকাৰ চলোৱাৰ ক্ষেত্ৰত অস্থিৰতা সৃষ্টিৰ প্ৰয়াস কৰা হ’ব। সংবিধান অনুসৰি ৰাজ্যপালে বিশেষ ক্ষমতা প্ৰয়োগ কৰি পাঁচজন বিধায়ক নিৰ্বাচন কৰিব পাৰে। ফলত জম্মু-কাশ্মীৰ বিধানসভাত শিবিৰৰ বিধায়কৰ সংখ্যা ৩৪জনলৈ বৃদ্ধি পাব। ৰাজনৈতিক বিশ্লেষকসকলৰ মতে ৩৪ জনৰ সংখ্যা বেছি কম নহয় যাতে ৯০ আসনৰ জম্মু-কাশ্মীৰ বিধানসভাত অস্থিৰতা সৃষ্টি কৰিব পৰা যায়।

জয়ী হোৱাৰ পাছতো চৰকাৰ গঠনৰ বাটত এটি কাঁইট! জম্মু-কাশ্মীৰৰ মুখ্যমন্ত্ৰী পদলৈ ঘূৰি অহা NCৰ উপ-সভাপতি ওমৰ আব্দুল্লাই পাঁচজন বিধায়কৰ মনোনয়ন সন্দৰ্ভত কেন্দ্ৰীয় চৰকাৰ আৰু শাসকীয় বিজেপিক সকীয়াই দিছে। কেন্দ্ৰ আৰু কেন্দ্ৰীয় শাসিত অঞ্চলৰ উপ-ৰাজ্যপালে যদি নিজৰ ক্ষমতা প্ৰয়োগ কৰি বিজেপিৰ পাঁচজন সদস্যক বিধানসভালৈ মনোনীত কৰে, তেনেহ’লে চৰকাৰে প্ৰথম দিনাৰ পৰাই সংঘাতৰ পথ বাছি ল’ব বুলি সকীয়াই দিছে প্ৰাক্তন মুখ্যমন্ত্ৰী ওমৰ ফাৰুকে। যদি তেনেকুৱা হয় তেন্তে কেন্দ্ৰক উচ্চতম ন্যায়ালয়ৰ দুৱাৰ দেখুৱাব বুলি সকীয়াই দিয়ে আব্দুল্লাই। বিজেপি নেতৃত্বাধীন কেন্দ্ৰ আৰু উপ-ৰাজ্যপাল মনোজ সিনহাই যদি এই মনোনয়ন দিয়ে তেন্তে অপ্ৰয়োজনীয় ৰাজনৈতিক সংঘাতৰ সৃষ্টি হ’ব বুলিও ওমৰে কয়।

জম্মু-কাশ্মীৰ পুনৰ্গঠন আইন অনুসৰি লেফটেনেণ্ট গৱৰ্ণৰক বিধানসভালৈ পাঁচজন সদস্যক মনোনীত কৰাৰ ক্ষমতা প্ৰদান কৰা হৈছে। বৰ্তমান বিধানসভাত ৯০ জন নিৰ্বাচিত বিধায়ক আছে। সন্দেহ অনুসৰি বিজেপিৰ পৰা পাঁচজন সদস্যক মনোনীত হ’লে বিধানসভাত ৯৫জন সদস্য থাকিব। আৰু মেজিক সংখ্যাও ৪৬ৰ পৰা ৪৮লৈ বৃদ্ধি পাব। এন চি আৰু কংগ্ৰেছৰ মিত্ৰজোঁটৰ ৪৯ গৰাকী বিধায়ক। অর্থাৎ আব্দুল্লাৰ চৰকাৰ সংখ্যাগৰিষ্ঠতকৈ মাত্র এখন আসন বেছিকৈ বাচি থাকিব৷ সেই ভয়ক মনত ৰাখি কেন্দ্ৰটোক সকীয়াই দিছে আব্দুল্লাই।

লগতে তেওঁ কয়, বিজেপিয়ে কোনো ধৰণে চৰকাৰ গঠন কৰিব নোৱাৰিব বুলিও মন্তব্য কৰে। তেওঁলোকে মাত্ৰ ২৯খন আসনহে পাইছিল। য’ত আমাৰ সংখ্যা এতিয়া ৪৯। আমাৰ মিত্ৰজোঁটত যোগদান কৰিবলৈ নিৰ্দলীয়সকলেও আমাৰ সৈতে যোগাযোগ কৰিছে। ফলত আমাৰ চৰকাৰ কোনো ধৰণে কমি নাযায় যদিও সংখ্যা বাঢ়িব বুলি ওমৰে কয়। কিন্তু কেন্দ্ৰই এই পদক্ষেপ গ্ৰহণ কৰিলে প্ৰথম দিনাৰ পৰাই সম্পৰ্কটো সংঘাতৰ পথত আগবাঢ়িব। কেন্দ্ৰৰ সৈতে সু-সম্পৰ্ক বজাই ৰাখি জম্মু-কাশ্মীৰৰ উন্নয়ন আমি বিচাৰো। কিন্তু এনে হ’লে উচ্চতম ন্যায়ালয়লৈ যোৱাৰ বাহিৰে আমাৰ মুকলি পথ নাথাকিব।