আৰ্মি ৱেলফেয়াৰ এডুকেশ্যন ছচাইটিয়ে শিক্ষক-শিক্ষয়িত্ৰী পদত নিযুক্তিৰ বাবে বিজ্ঞাপন দিছে। টেট পাছ নকৰিলেও উপযুক্ত প্ৰাৰ্থীয়ে ইয়াৰ বাবে আবেদন কৰিব পাৰিব।
ছচাইটিয়ে প্ৰাইমেৰী ট্ৰেইন্ড টিচাৰ (PRT), ট্ৰেইন্ড গ্ৰেজুৱেট টিচাৰ (TGT) আৰু পোষ্ট গ্ৰেজুৱেট টিচাৰ (PGT)ৰ পদত নিযুক্তিৰ বাবে বিজ্ঞাপনৰ প্ৰকাশ কৰিছে।
দেশৰ প্ৰায় ১৩৭খন আৰ্মি পাব্লিক স্কুলৰ বাবে প্ৰায় ৮০০০ শিক্ষক-শিক্ষয়ত্ৰী নিয়োগ কৰা হ’ব।
পদসমূহৰ বাবে ১ অক্টোবৰৰ পৰা ৰেজিষ্টেশ্যন আৰম্ভ হৈছে আৰু এই ৰেজিষ্ট্ৰেশ্যন প্ৰক্ৰিয়া অহা ২০ অক্টোবৰ পৰ্যন্ত চলিব।
ইচ্ছুক প্ৰাৰ্থীসকলে পুৱা ১০বজাৰ পৰা আবেলি ৫বজালৈ অনলাইনত ৰেজিষ্ট্ৰেশ্যন কৰিব পাৰিব।
অহা ৪ নৱেম্বৰৰ পৰা এডমিট কাৰ্ড প্ৰকাশ কৰা হ’ব। ২১ আৰু ২২ নৱেম্বৰত অনলাইন পৰীক্ষা অনুষ্ঠিত হ’ব। আনহাতে ফলাফল ঘোষণাৰ সম্ভাৱ্য তাৰিখ হৈছে অহা ২ ডিচেম্বৰ।
যোগ্যতাসমূহ:
ক) PGT পদৰ বাবে আবেদনকাৰী বিএড আৰু সংশ্লিষ্ট বিষয়ত ন্যুনতম ৫০শতাংশ নম্বৰসহ স্নাতকোত্তৰ ডিগ্ৰী উত্তীৰ্ণ হ’ব লাগিব।
খ) TGT পদৰ বাবে আবেদনকাৰী বিএড আৰু সংশ্লিষ্ট বিষয়ত ন্যুনতম ৫০শতাংশ নম্বৰসহ স্নাতক ডিগ্ৰী উত্তীৰ্ণ হ’ব লাগিব।
গ) PRTপদৰ বাবে আবেদনকাৰী স্নাতক হোৱাৰ লগতে বিএড ডিগ্ৰী বা ২বছৰীয়া ডিপ্ল’মা বা ৪বছৰীয়া পাঠ্যক্ৰম উত্তীৰ্ণ হোৱা হ’ব লাগিব।
PRT আৰু TGT পদৰ বাবে টেট বা চি-টেট উত্তীৰ্ণ বাধ্যতামূলক। অৱশ্যে, টেট পাছ নকৰা প্ৰাৰ্থী আন যোগ্যতাৰ মানদণ্ডত উত্তীৰ্ণ হ’লে তেওঁলোকক এডহক ভিত্তিত নিয়োগ কৰা হ’ব।
বয়সৰ সীমা:
অনভিজ্ঞ প্ৰাৰ্থীৰ বাবে বয়সৰ সৰ্বোচ্চ সীমা ৪০ বছৰ আৰু অভিজ্ঞ প্ৰাৰ্থীৰ ক্ষেত্ৰত বয়স সৰ্বোচ্চ ৫৭বছৰ ধাৰ্য কৰা হৈছে।
এই সম্পৰ্কত বিতং জানিবৰ বাবে awesindia.com ত লগ ইন কৰক।