• About
  • Copyright
  • Privacy Policy
  • Authors
  • Grievance Redressal
  • Contact
English |  
Tuesday, July 8, 2025
NORTHEAST NOW (Assamese)
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • ভাষা-সাহিত্য
  • যুৱ-কণ্ঠ
  • শিক্ষা
  • জীৱনশৈলী
    • দিহা-ভৰসা
  • প্ৰযুক্তি
  • মনোৰঞ্জন
  • প্ৰাসংগিক প্ৰশ্ন
  • স্বাস্থ্য
  • ফেচবুক কৰ্ণাৰ
No Result
View All Result
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • ভাষা-সাহিত্য
  • যুৱ-কণ্ঠ
  • শিক্ষা
  • জীৱনশৈলী
    • দিহা-ভৰসা
  • প্ৰযুক্তি
  • মনোৰঞ্জন
  • প্ৰাসংগিক প্ৰশ্ন
  • স্বাস্থ্য
  • ফেচবুক কৰ্ণাৰ
No Result
View All Result
NORTHEAST NOW (Assamese)
English

নৱম অজিৎ বৰুৱা স্মাৰক বক্তৃতা সম্পন্ন; বক্তৃতা প্ৰদান প্ৰসিদ্ধ গল্পকাৰ তথা চলচ্চিত্ৰ সমালোচক অপূৰ্ব শৰ্মাৰ

এন ই নাও নিউজ, গুৱাহাটী by এন ই নাও নিউজ, গুৱাহাটী
August 20, 2024 7:17 pm
294
VIEWS
Share on FacebookShare on Twitter

‘‘অজিৎ বৰুৱা বুলিলেই তেওঁক স্বচক্ষে নেদেখা অসমীয়া সাহিত্যানুৰাগীজনৰ অন্তদৃৰ্ষ্টিতো যিখন ছবি সুপ্ৰকট হৈ উঠে সি হৈছে কাব্য-প্ৰসিদ্ধিৰে প্ৰোজ্জ্বল এজন বিস্ময়কৰভাৱে ব্যতিক্ৰম, প্ৰজ্ঞা আৰু প্ৰতিভাৰে সমুজ্জ্বল কবি-শিৰোমণিৰ ব্যক্তিত্ব৷ এলিয়টৰ কাব্যকৃতিক আত্মস্থ কৰি অজিৎ বৰুৱাই নতুন অসমীয়া কাব্য-আন্দোলনত নিজৰ সৃষ্টিক এক বিৰল ৰূপ দিবলৈ সমৰ্থ হৈছিল৷’’ আধুনিক অসমীয়া সাহিত্যৰ অন্যতম প্ৰধান কবি, ঔপন্যাসিক, সমালোচক, অনুবাদক অজিৎ বৰুৱাৰ পৱিত্ৰ স্মৃতিত ১৭ আগষ্টত গুৱাহাটী মহাবিদ্যালয়ত আয়োজিত নৱম বাৰ্ষিক অজিৎ বৰুৱা স্মাৰক বক্তৃতা প্ৰদান কৰি এইদৰে কয় প্ৰসিদ্ধ গল্পকাৰ, চলচ্চিত্ৰ সমালোচক অপূৰ্ব শৰ্মাই৷

‘এখন প্ৰেমৰ উপন্যাস : এটি অনুপস্থিত প্ৰেম কাহিনী’ শীৰ্ষক ভাষণ প্ৰদান কৰি অধ্যাপক শৰ্মাই কয়— ‘‘অজিৎ বৰুৱা এজন শ্ৰুতকীৰ্তি মহামান্য আধুনিক অসমীয়া কবি৷ ৰোমাণ্টিক সাহিত্য-ঐতিহ্য, ৰোমাণ্টিক মানসিকতা আৰু বিভিন্ন সামাজিক-ৰাজনৈতিক আদৰ্শবাদিতাৰপৰা মুক্ত এক আধুনিক সাহিত্য-চিন্তা আৰু আধুনিক ভাষাৰ বৰুৱা এজন স্পষ্টবাদী সমৰ্থক৷

স্বৰাজোত্তৰ অসমীয়া সাহিত্যত পাশ্চাত্য সাহিত্যিক ঐতিহ্যৰপৰা সফলতাৰে আহৃত আধুনিকতাৰ প্ৰভাৱ কাহিনী-সাহিত্যৰ ক্ষেত্ৰত আহিছিল সৌৰভ কুমাৰ চলিহাৰ প্ৰায় অপৰিচিত ধৰণৰ চমকপ্ৰদ কাহিনী-কথনৰ মাজেদি আৰু কবিতাৰ ক্ষেত্ৰত উপলব্ধ হৈছিল অজিৎ বৰুৱাৰ বিস্ময়কৰ কাব্য-কুশলতাৰে নিৰ্মিত এক নতুন ধৰণৰ অসমীয়া কবিতাৰ মাজত৷’’ আজিৰ বক্তৃতা সভাৰ কেন্দ্ৰীয় ভাষণ প্ৰসংগত অজিৎ বৰুৱাৰ এখন প্ৰেমৰ উপন্যাস সন্দৰ্ভত বিস্তৃত চিত্তাকৰ্ষক আলোচনা আগবঢ়ায় বক্তা অপূৰ্ব শৰ্মাই৷

তেওঁ এই আত্মজৈৱনিক উপন্যাসখনক এখন সম্পূৰ্ণ পৰীক্ষামূলক উপন্যাস আৰু অসমীয়া সাহিত্যত ভবিষ্যতে কেতিয়াবালৈ পাশ্চাত্যৰ আৰ্হিত নতুন বিষয়-বৈচিত্ৰ্যৰে তথা নতুন ৰচনাশৈলীৰে এক ন উপন্যাস প্ৰৱাহৰ সৃষ্টি হ’লে এই সাহিত্য-কৰ্মটিয়ে আৰম্ভণি আৰু আদৰ্শৰূপে গুৰুত্বপূৰ্ণ স্থান পাব বুলিও গুৰুত্বপূৰ্ণ মন্তব্য আগবঢ়ায়৷

 ‘গুৱাহাটী মহাবিদ্যালয় শিক্ষক গোট’ আৰু ‘অংশুমান নাথ স্মাৰক ফাউণ্ডেচন’ৰ সহযোগত ‘অজিৎ বৰুৱা অনুৰাগী সমাজ’-এ আয়োজন কৰা নৱম বাৰ্ষিক অজিৎ বৰুৱা স্মাৰক বক্তৃতানুষ্ঠানৰ আৰম্ভণিতে সদ্যপ্ৰয়াত কবি, গল্পকাৰ, সমালোচক ৰবীন্দ্ৰ বৰাদেৱলৈ শ্ৰদ্ধাঞ্জলিৰে এক মিনিট সময় মৌন প্ৰাৰ্থনা জনোৱা হয়৷ ইয়াৰ পাছতে অজিৎ বৰুৱাৰ এটি গীত পৰিৱেশন কৰে মহাবিদ্যালয়ৰ তিনিটা বৰ্ষৰ শ্ৰেষ্ঠ গায়িকা,  ইংৰাজী বিভাগৰ ছাত্ৰী তনুশ্ৰী দেৱীয়ে৷

আদৰণী ভাষণ প্ৰদান কৰে গুৱাহাটী মহাবিদ্যালয় শিক্ষক গোটৰ হৈ গোটৰ সভাপতি ডঃ ৰীতা মহন্তই আৰু অজিৎ বৰুৱা অনুৰাগী সমাজৰ হৈ সমাজৰ উপ-সভাপতি, কবি, আকাশবাণী গুৱাহাটী কেন্দ্ৰৰ অৱসৰপ্ৰাপ্ত সঞ্চালক ৰাজীৱ বৰুৱাই৷

ইয়াৰ পাছতে অজিৎ বৰুৱাৰ এমুঠি কবিতা আবৃত্তি কৰে বিশিষ্ট অভিনেত্ৰী, আবৃত্তিকাৰ মেল’ডী পাটগিৰি আৰু আবৃত্তিকাৰ, গায়িকা কাকলি বৰাই৷ আবৃত্তিৰ পাছতে ‘অজিৎ বৰুৱা  : এটি চমু টোকা’  শীৰ্ষক এটি চমু মনোজ্ঞ ভাষণ প্ৰদান কৰে গুৱাহাটী মহাবিদ্যালয়ৰ ইংৰাজী বিভাগৰ মুৰব্বী অধ্যাপক দিব্য ৰঞ্জন খাটনিয়াৰে৷ গুৱাহাটী মহাবিদ্যালয়ৰ অসমীয়া বিভাগৰ সহঃ অধ্যাপক ডঃ ধৰণী লাহনে আঁত ধৰা অনুষ্ঠানটিৰ শেষত শলাগৰ শৰাই আগবঢ়ায় মহাবিদ্যালয়ৰ শিক্ষক গোটৰ সম্পাদক তথা ইংৰাজী বিভাগৰ সহঃ অধ্যাপক কৌশিক হাজৰিকাই৷

Recent News

উটৰ এটোপাল চকুলোৱে নিষ্ক্ৰিয় কৰিব পাৰে ২৬টা বিষাক্ত সাপৰ বিষ! গৱেষণাত দিছে আশ্চৰ্যজনক তথ্য

উটৰ এটোপাল চকুলোৱে নিষ্ক্ৰিয় কৰিব পাৰে ২৬টা বিষাক্ত সাপৰ বিষ! গৱেষণাত দিছে আশ্চৰ্যজনক তথ্য

আপুনি মোৰ ভাগ্য এনেকৈ লিখিলে নেকি? ভগৱানলৈ আৱেগিক চিঠি লিখি আত্মঘাতী হ’ল তেলেংগানাৰ যুৱক

আপুনি মোৰ ভাগ্য এনেকৈ লিখিলে নেকি? ভগৱানলৈ আৱেগিক চিঠি লিখি আত্মঘাতী হ’ল তেলেংগানাৰ যুৱক

শান্তিৰ দূত হৈ পৰিছে অশান্তিৰ কাৰণ! জন স্বাস্থ্যৰ প্ৰতি লক্ষ্য ৰাখি মুম্বাইত পাৰ চৰাইক খাদ্য প্ৰদান কৰা ৫১টা ফিডিং জ’ন বন্ধ কৰাৰ নিৰ্দেশ

শান্তিৰ দূত হৈ পৰিছে অশান্তিৰ কাৰণ! জন স্বাস্থ্যৰ প্ৰতি লক্ষ্য ৰাখি মুম্বাইত পাৰ চৰাইক খাদ্য প্ৰদান কৰা ৫১টা ফিডিং জ’ন বন্ধ কৰাৰ নিৰ্দেশ

অৰাজক বিহাৰ! গাঁৱৰ ৰাইজে মিলি মাৰধৰ কৰি জ্বলাই দি হত্যা কৰিলে একেটা পৰিয়ালৰে ৫ জনক

অৰাজক বিহাৰ! গাঁৱৰ ৰাইজে মিলি মাৰধৰ কৰি জ্বলাই দি হত্যা কৰিলে একেটা পৰিয়ালৰে ৫ জনক

Get the latest Assamese news from Assam and NorthEast India. নৰ্থ-ইষ্ট নাও এটা মাল্টি-এপ ভিত্তিক সম্পূৰ্ণভাৱে আঞ্চলিক, দ্বিভাষিক নিউজ প’ৰ্টেল। পেচাদাৰী ব্যক্তিৰ এটা গোটৰ নেতৃত্বত এই ডিজিটেল অসমীয়া বাতৰি প্ৰতিষ্ঠানটোৱে উত্তৰ-পূবৰ আঠখন ৰাজ্য আৰু এইবোৰৰ প্ৰতিৱেশী দেশকেইখনৰ প্ৰতিটো খা-খবৰ সামৰি লোৱাৰ চেষ্টা কৰিব। দুটাকৈ ইংৰাজী এপ আৰু এটা অসমীয়া এপৰ সংস্কৰণ থকা এইটোৱে হ’ল এই ধৰণৰ প্ৰথমটো নিউজ প’ৰ্টেল। আমি ৰাজনৈতিকভাৱে নিৰপেক্ষ আৰু দক্ষিণ-পূব আৰু দক্ষিণ এছিয়াৰ মাজৰ প্ৰকৃত বা-বাতৰিৰ সাঁকোৰ ভূমিকা ল’বলৈ চেষ্টা কৰিম।

 
Our Properties
 
  • ⚪ NORTHEAST NOW
  • ⚪ NORTHEAST JOBS
  • ⚪ NORTHEAST TENDERS
  • ⚪ INNFINITY
  • About
  • Copyright
  • Privacy Policy
  • Authors
  • Grievance Redressal
  • Contact

© 2018 - Maintained by EZEN Software & Technology Pvt. Ltd

No Result
View All Result
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • ভাষা-সাহিত্য
  • যুৱ-কণ্ঠ
  • শিক্ষা
  • জীৱনশৈলী
    • দিহা-ভৰসা
  • প্ৰযুক্তি
  • মনোৰঞ্জন
  • প্ৰাসংগিক প্ৰশ্ন
  • স্বাস্থ্য
  • ফেচবুক কৰ্ণাৰ

© 2018 - Maintained by EZEN Software & Technology Pvt. Ltd