টেলিকম কোম্পানি এয়াৰটেলে সমগ্ৰ দেশতে ৱাই-ফাই কলিং সেৱা আৰম্ভ কৰিছে।
জম্মু-কাশ্মীৰৰ বাহিৰে দেশৰ বাকী সকলো অংশতে কোম্পানিটোৱে এই সেৱা আগবঢ়াইছে।
সম্পূৰ্ণ বিনামূলীয়া এই সেৱাৰ বাবে আপোনাক বিশেষ এপ বা আহিলাৰ প্ৰয়োজন নাই।
তলৰ চাৰিটা কাম কৰি আপুনি এয়াৰটেলৰ ৱাই-ফাই ভইচ কলিং আৰম্ভ কৰিব পাৰে।
- আপোনাৰ ফোনটোৱে চাপ’ৰ্ট কৰেনে?
আপুনি airtel.in/wifi-calling ৱেবছাইটত গৈ আপোনাৰ ফোনটোৱে এই সেৱা চাপ’ৰ্ট কৰেনে নাই চাব পাৰে।
বৰ্তমান ১৬টা ব্ৰেণ্ডৰ ১০০টাতকৈয়ো অধিক ফোনে এই সেৱা চাপ’ৰ্ট কৰে।
- অ’ এছ আপডেট কৰক—
আপোনাৰ ফোনৰ অপাৰেটিং ছিষ্টেম আপডেট কৰি ফোনটোত উপলব্ধ শেহতীয়াতম সুবিধাসমূহ ল’ব পাৰে। এই আপডেটত ৱাই-ফাই কলিং চাপ’ৰ্ট কৰাৰ সুবিধাও থাকিব পাৰে।
- VoLTE অন ৰাখিব—
ফোনটোত VoLTE অন ৰাখিব। ইয়াক অন ৰখাৰ ফলত আপোনাৰ ফোনটো এয়াৰটেল ৱাই-ফাই কলিং আৰু VoLTEৰ মাজত চলি থাকিব।
- ৱাই-ফাই কলিং অন কৰক—
ফোনৰ ছেটিঙত গৈ তাৰ পিছত ম’বাইল ডেটা, ছিম কাৰ্ড ছেটিঙলৈ যাওক আৰু এয়াৰটেল ছিম কাৰ্ড বাচনি কৰি ৱাই-ফাই কলিং অন কৰক।
