মাৰাত্মক কৰ’নাভাইৰাছৰ বিৰুদ্ধে যুঁজাৰ বাবে চৰকাৰী পুঁজিলৈ আপুনিও বৰঙনি আগবঢ়াব পাৰে।
অসম চৰকাৰৰ অসম আৰোগ্য নিধিলৈ তলৰ বেংক একাউণ্টত বৰঙনি পঠিয়াব পাৰে—
Assam Arogya Nidhi, A/c No. 32124810101, SBI, IFSC Code: SBIN0010755
Govt of Assam has been taking every step possible to safeguard health of people in wake of #COVID2019 outbreak. In this hour, every help adds to our strength. Should you wish to contribute, you may do so:
Assam Arogya Nidhi, A/c No. 32124810101, SBI, IFSC Code: SBIN0010755
— Himanta Biswa Sarma (@himantabiswa) March 26, 2020
একেদৰে আপুনি Prime Minister’s Citizen Assistance and Relief in Emergency Situations Fundলৈ বৰঙনি আগবঢ়াব পাৰে।
ছবিত থকা উপায়েৰে আপুনি প্ৰধান মন্ত্ৰীৰ পুঁজিলৈ বৰঙনি আগবঢ়াব পাৰে।
PM Shri @narendramodi ji is leading us from the front in fight against #COVID19.
I sincerely appeal to the people of Assam to generously contribute to the PM-CARES fund and support this national cause.#IndiaFightsCorona pic.twitter.com/eaYbOpFF5a
— Sarbananda Sonowal (@sarbanandsonwal) March 28, 2020
অসম চৰকাৰে কৰ’নাভাইৰাছ আক্ৰান্তৰ চিকিৎসাৰ বাবে দুমাহৰ ভিতৰত পাঁচখন ৩০০ বিচনাযুক্ত চিকিৎসালয় খোলাৰ বাবে আগবাঢ়িছে।
তাৰে চাৰিখন চিকিৎসালয় দান-বৰঙনিৰ পৰা সংগৃ্হীত ধনেৰে নিৰ্মাণ কৰা হ’ব।
অসমৰ শাসক-বিৰোধী জনপ্ৰতিনিধিসকলৰ লগতে চৰকাৰৰ কৰ্মচাৰীসকলেও ইতিমধ্যে এইক্ষেত্ৰত দান-বৰঙনি আগবঢ়াইছে।
মণিপুৰ আৰু মিজোৰামত এগৰাকীকৈ ৰোগী চিনাক্ত হোৱাৰ পিছত অসমকে ধৰি উত্তৰ-পূবত কোনো নতুন ৰোগী চিনাক্ত হোৱা নাই।
ভাৰতীয় চিকিৎসা গৱেষণা পৰিষদৰ মতে দেশত কৰ’নাভাইৰাছ আক্ৰান্তৰ সংখ্যা দ্ৰুতগতিত বৃদ্ধি পাইছে যদিও ই এতিয়াও সামূহিক সংক্ৰমণৰ পৰ্য্যায় (ষ্টেজ ৩) পোৱাগৈ নাই।
ভাৰতত যোৱা ২৪ ঘণ্টাত অভিলেখসংখ্যক ১৪৯ গৰাকী নতুনকৈ কৰ’নাভাইৰাছ আক্ৰান্ত চিনাক্ত কৰা হৈছে।
দেশত কৰ’নাভাইৰাছ আক্ৰান্তৰ সংখ্যা ৮৭৩ (শেহতীয়া তথ্য মতে ৯৩৩)লৈ বৃদ্ধি পাইছে। চিনাক্ত ৰোগীসকলৰ ভিতৰত আছে ৪৭ গৰাকী বিদেশী নাগৰিক।
কৰ’নাভাইৰাছত আক্ৰান্ত হৈ ২০ গৰাকী লোক মৃত্যুমুখত পৰিছে। ৮০ গৰাকী ৰোগীক সুস্থ হোৱা বা চিকিৎসা প্ৰদানৰ অন্তত যাবলৈ দিয়া হৈছে।
মাৰাত্মক কৰ’নাভাইৰাছক প্ৰতিহত কৰাৰ বাবে বিশ্বজুৰি লকডাউন আৰু সামাজিক দূৰত্ব বজাই চলাটো কাৰ্য্যকৰী উপায়ৰূপে ইতিমধ্যে স্বীকৃত হৈছে।
প্ৰধান মন্ত্ৰী নৰেন্দ্ৰ মোদীয়ে মাৰাত্মক কৰ’নাভাইৰাছ প্ৰতিহত কৰাৰ বাবে ২১ দিনীয়া দেশজোৰা লকডাউন ঘোষণা কৰিছে।
কৰ’নাভাইৰাছত আটাইতকৈ বেয়াকৈ ক্ষতিগ্ৰস্ত হৈছে মহাৰাষ্ট্ৰ আৰু কেৰালা। মহাৰাষ্ট্ৰত কৰ’নাভাইৰাছ আক্ৰান্ত ১৮০ গৰাকীলৈ বৃদ্ধি পাইছে। কেৰালাত এই সংখ্যা হৈছে ১৭৩ (।)
বিশ্বজুৰি আধা নিযুততকৈয়ো অধিক লোক এই মাৰাত্মক ভাইৰাছবিধত আক্ৰান্ত হৈছে।
২৩ হাজাৰতকৈয়ো অধিক লোকৰ এই ৰোগত মৃত্যু ঘটিছে।
