বিশ্বত্ৰাস কʼৰ’নাভাইৰাছৰ বিৰুদ্ধে সাজু হৈ আছে উত্তৰ-পূব কয়লাক্ষেত্ৰৰ কʼল ইণ্ডিয়া লিমিটেডৰ মাৰ্ঘেৰিটাস্থিত কেন্দ্ৰীয় চিকিৎসালয়৷
কৰ’নাভাইৰাছ আক্ৰান্তৰ চিকিৎসাৰ বাবে চিকিৎসালয়খনৰ মুঠ ৩৪খন বিচনা, ১৪জন ডাক্তৰ আৰু আঠগৰাকী নাৰ্ছ যাৱতীয় সামগ্ৰীসহ সম্পূৰ্ণৰূপে সাজু আছে।
চিকিৎসালয় কৰ্তৃপক্ষই সদৰী কৰা মতে কৰ’নাভাইৰাছত আক্ৰান্তৰ সন্দেহ কৰা কোনো ব্যক্তিয়ে ততালিকে চিকিৎসালয়ত গৈ চিকিৎসা লাভ কৰিব পাৰিব৷
চিকিৎসালয়খনত ৩০খন কোৱাৰেণ্টাইন আৰু ৪খন আইছলেশ্যন বিচনা আছে।
চিকিৎসালয়খনত ৮খন এম্বুলেন্সো ৰাইজৰ সেৱাৰ বাবে সাজু আছে।
ক’ল ইণ্ডিয়াই এতিয়ালৈকে ৫০০০ মাস্ক প্ৰস্তুত কৰি ২০০০ মাস্ক মাৰ্ঘেৰিটা মহকুমা প্ৰশাসনক যোগান কৰিছে৷
চিকিৎসালয়খনে তেওঁলোকৰ নিজৰে দুজন চিকিৎসকক ১৪ দিনৰ বাবে কোৱাৰন্তাইন কৰি ৰাখিছে৷
চিকিৎসালয় কৰ্তৃপক্ষই সদৰী কৰা মতে কʼল ইণ্ডিয়াৰ মুঠ ৫৯জন কৰ্মচাৰীক কোৱাৰান্তাইন কৰি ৰখা হৈছে।
চিকিৎসালয়ৰ মুখ্য চিকিৎসা বিষয়া ডাঃ এচ প্ৰামাণিক আৰু ডাঃ স্বৰূপ দাসে এইসমূহ তথ্য সদৰী কৰিছে৷
