ৰিপাব্লিক টিভিৰ মুখ্য সম্পাদক অৰ্ণৱ গোস্বামীৰ বিৰুদ্ধে এহাজাৰ দাখিল কৰিছে ছত্তিশগড় প্ৰদেশ কংগ্ৰেছ কমিটিয়ে।
ৰায়পুৰ আৰক্ষী জনায় যে ইতিমধ্যে এজাহাৰখন গ্ৰহণ কৰি পঞ্জীয়ন কৰা হৈছে গোচৰটো।
ৰিপাব্লিক টিভিৰ নিজৰ টক শ্ব’ত কংগ্ৰেছ নেত্ৰী ছোনিয়া গান্ধীক অতি কটু আৰু অসন্মাজনক ভাষা প্ৰয়োগ কৰিছিল সাংবাদিক অৰ্ণৱ গোস্বামীয়ে।
মহাৰাষ্ট্ৰ নাগপুৰতো মহাৰাষ্ট্ৰ যুৱ কংগ্ৰেছৰ সভাপতি সত্যজিৎ তাম্বেই গোস্বামীৰ বিৰুদ্ধে অভিযোগ দাখিল কৰিছে।
লগতে পঢ়ক : সাম্প্রদায়িক বিষবাষ্প বিয়পোৱা অর্ণৱ গোস্বামীৰ বিৰুদ্ধে গোচৰ ৰুজু কৰাৰ দাবী দেশৰ এগৰাকী সাংবাদিকৰ
ইফালে মহাৰাষ্ট্ৰ এম অ’ এছ(গৃহ) সতেজ পাটিলে কয় যে পালঘৰ গণপ্ৰহাৰ কাণ্ডৰ সন্দৰ্ভত সাম্প্ৰদায়িক বিষবাষ্প বিয়পাই অৰ্ণৱ গোস্বামীয়ে কংগ্ৰেছ নেত্ৰী ছোনীয়া গান্ধীক মৰ্যাদা হানিকৰ মন্তব্য কৰাৰ বিৰুদ্ধে মহাৰাষ্ট্ৰৰ ৰাজ্য চৰকাৰে আইনী ব্যৱস্থা গ্ৰহণ কৰিব।
ইফালে ৰায়পুৰত ছত্তিশগড়ৰ স্বাস্থ্য মন্ত্ৰী টি এছ সিং দেও আৰু ৰাজ্যিক কংগ্ৰেছ সভাপতি মোহন মাকৰ্মামে আৰক্ষীত এক অভিযোগ পত্ৰ দাখিল কৰিছে।
‘তেওঁৰ ধৰ্মীয় মেৰু বিভাজনমূলক মন্তব্য কৰিছে। কংগ্ৰেছৰ ৰাষ্ট্ৰীয় অধ্যক্ষ ছোনিয়া গান্ধীক অতি অপমানজনক মন্তব্য কৰিছে, যাৰ প্ৰমাণ ইউটিউভ আছে।’ এইদৰে পত্ৰখনত উল্লেখ কৰা হৈছে।
ইয়াৰ পিছতে সিং দেৱে টুইটাৰ একাউন্টত টুইট কৰি কয় যে ‘মই অৰ্ণৱ গোস্বামীৰ বিৰুদ্ধে এইমাত্ৰ অভিযোগ দাখিল কৰিছো।’
ৰায়পুৰৰ শীর্ষ আৰক্ষী বিষয়াই কয় যে ভাৰতীয় দণ্ডবিধি আইনৰ চেকশ্যন ১৫৩(এ), ২৯৫(এ) আৰু ৫০৫(এ) অধীনত গোচৰ ৰুজু কৰি তদন্ত আৰম্ভ কৰা হৈছে।
কংগ্ৰেছী সূত্ৰত প্ৰকাশ যে অৰ্ণৱ গোস্বামীৰ বিৰুদ্ধে দেশজুৰি ১০০০ খন এজাহাৰ দাখিল কৰা হ’ব।
লগতে পঢ়ক : সাংবাদিক অৰ্ণৱ গোস্বামীক মুম্বাইত আক্ৰমণ; কংগ্ৰেছৰ ওপৰত অভিযোগ
