কেন্দ্ৰীয় স্বাস্থ্য মন্ত্ৰ্যালয়ে সোমবাৰে জিলা পৰ্যায়ত কোভিড-১৯ৰ টেষ্ট সম্পন্ন কৰাৰ সিদ্ধান্ত গ্ৰহণ কৰিছে।
দেশজুৰি কৰ’না ভাইৰাছৰ সংক্ৰমণৰ ঘটনা বৃদ্ধি পোৱালৈ লক্ষ্য ৰাখি তথা কেইবাটাও লক্ষণবিহীন ৰোগীৰ ঘটনা পোৱাৰ পাছত এই সিদ্ধান্ত লোৱা হৈছে।
মন্ত্ৰ্যালয়ে সদৰী কৰিছে যে টেষ্টিংসমূহ দেশৰ জিলা পৰ্যায়ত কৰা হ’ব আৰু সপ্তাহত ২০০টাকৈ তথা মাহে ৮০০ টেষ্ট সম্পন্ন কৰাৰ লক্ষ্য লোৱা হৈছে।
এই টেষ্টসমূহ যাৰ কৰ’না ভাইৰাছৰ লক্ষণ দেখা যোৱা নাই সেইসকলৰ কৰা হ’ব যিটোৱে উপসৰ্গহীন ৰোগীৰ ঘটনা চিনাক্ত কৰাৰ সহায় কৰিব।
টেষ্টিঙৰ লক্ষ্যত উপনীত হ’বলৈ স্বাস্থ্য মন্ত্ৰ্যালয়ে ৰাজ্যসমূহক সৰ্বাত্মকভাৱে টেষ্টিঙৰ বাবে সাজু থকা প্ৰতিখন জিলাৰ পৰা ছয়খন চৰকাৰী হাস্পাতাল আৰু চাৰিখন ব্যক্তিগত হাস্পাতাল নিৰ্বাচিত কৰিবলৈ কৈছে।
মন্ত্ৰ্যালয়ে লগতে বিপদজনক আৰু কম বিপদজনক দুটা গ্ৰুপত চেম্প’লসমূহৰ পৰীক্ষণৰ বাবে শ্ৰেণীভুক্ত কৰিছে।
অতি বিপদজনক গ্ৰুপত স্বাস্থ্যসেৱাৰ কৰ্মীৰ দৰে লোক থাকিব আৰু টেষ্টিং পৰিকল্পনাত প্ৰতি সপ্তাহত ১০০ বা মাহে ৪০০চেম্পল অতি বিপদজনক গ্ৰুপৰ পৰা সংগ্ৰহৰ লক্ষ্য কৰি লোৱা হৈছে।
আনহাতে, গৰ্ভৱতী মহিলা আৰু চৰ্দি কাঁহ বা চৰ্দি নোহোৱা লোকসকলক কম বিপদজনক গ্ৰুপৰ অধীনত শ্ৰেণীভুক্ত কৰা হৈছে।
মন্ত্ৰ্যালয়ে এই শ্ৰেণীত মাহে ৪০০ চেম্পল সংগ্ৰহ কৰাৰ লক্ষ্য বান্ধি লৈছে।
ইয়াৰ দ্বাৰা স্বাস্থ্য মন্ত্ৰ্যালয়ে এমাহত কৰ’না ভাইৰাছৰ সংক্ৰমণৰ কোনো লক্ষণ নোহোৱা প্ৰায় ছয় লাখ লোকৰ পৰীক্ষা কৰাৰ পৰিকল্পনা কৰিছে। ।
