ল’কডাউনৰ সময়ত তীব্ৰ আৰ্থিক আৰু অত্যাৱশ্যকীয় সামগ্ৰীৰ অভাৱত ভুগিছে মহাভাৰতত ইন্দ্ৰৰ চৰিত্ৰ ৰূপায়ন কৰা জনপ্ৰিয় পঞ্জাৱী অভিনেতা শতীশ কৌলে।
বৰ্ষীয়ান অভিনেতা গৰাকীয়ে ক’ৰ’নাৰ সংক্ৰমণ ৰোধৰ বাবে ঘোষণা কৰা ল’কডাউনে তেওঁৰ বাবে সংকত কঢ়িয়াই আনিছে বুলি কয়।
অভিনেতা গৰাকীয়ে আনকি প্ৰয়োজনীয় ঔষধ, সামগ্ৰী আৰু মৌলিক প্ৰয়োজনী বস্তুৰ বাবে কষ্ট কৰিবলগীয়া হৈছে বুলি কয়।
‘‘মই অভিনয় উদ্যোগক সহায়ৰ বাবে আহ্বান জনাইছো…..মই অভিনেতা হিচাপে যথেষ্ট সমাদৰ লাভ কৰিছো….কিন্তু বৰ্তমান সময়ত মানুহৰ জীয়াই থকাৰ বাবে প্ৰয়োজনীয় কিছু সামগ্ৰীৰ মোক প্ৰয়োজন হৈছে,’’ দুখেৰে শতীশ কৌলে উল্লেখ কৰে।
উল্লেখযোগ্য যে, জনপ্ৰিয় ধাৰাবাহিক মহাভাৰতত শতীশ কৌলে অভিনয় কৰা ইন্দ্ৰৰ চৰিত্ৰ সকলোৰে মনত আজিও সজীৱ হৈ আছে।
অভিনেতা গৰাকীয়ে ধাৰাবাহিকখনত ৰূপায়ন কৰা ইন্দ্ৰৰ চৰিত্ৰৰ যোগেৰে দৰ্শক তথা ৰাইজৰ যথেষ্ট সমাদৰ লাভ কৰিছিল।
