অতি শীঘ্ৰেই পিতৃ-মাতৃ হ’ব ক্ৰিকেটাৰ হাৰ্দিক পাণ্ডিয়া আৰু অভিনেত্ৰী নাটাশা ষ্টানকোভিচ!

দেওবাৰে অভিনেত্ৰী নাটাশা ষ্টানকোভিচে সামাজিক মাধ্যমৰ যোগে ঘোষণা কৰিছে তেওঁ আৰু বাগদত্ত হাৰ্দিক পাণ্ডিয়াৰ প্ৰথমটো সন্তানৰ বাবে তেওঁলোক অপেক্ষা কৰি আছে।

ষ্টানকোভিচে তেওঁ আৰু পাণ্ডিয়াৰ এখন যুগ্ম ফ’টো ইনষ্টাগ্ৰামত শ্বেয়াৰ কৰি লিখিছে যে, ‘হাৰ্দিক আৰু মই এই পৰ্যন্ত এটা স্মৰণীয় যাত্ৰা কৰি আছো, এই যাত্ৰা আৰু ভাল হ’বলৈ গৈ আছে। একেলগে, আমি এটা নতুন জীৱন আদৰিবলৈ আগ্ৰহী হৈ আছো। আমাৰ জীৱনৰ এই নতুন পদক্ষেপৰ বাবে উৎসাহিত কৰক আৰু আমি আপোনালোকৰ পৰা শুভকামনা আশা কৰিছো।’

https://www.instagram.com/p/CA2ktl8A5BV/?utm_source=ig_embed

ষ্টানকোভিচে নিজা ইনষ্টাগ্ৰাম একাউন্টত শ্বেয়াৰ কৰা ফ’টোখনত তেওঁক গৰ্ভৱতী যেন দেখা গৈছে। গৰ্ভত হাত দি থকা ফটোখনত পাণ্ডিয়া আৰু নাটাশাক অত্যন্ত উৎফুল্লিত আৰু সুখী যেন দেখা গৈছে।

ইয়াৰ পৰা ধাৰণা কৰিব পাৰি যে তেওঁলোকৰ জীৱনলৈ অতি শীঘ্ৰেই নতুন আলহীৰ আগমণ ঘটিব।

নাটাশাৰ প’ষ্টত তেওঁলোকৰ বন্ধু-বান্ধৱীসকলে শুভকামান জনোৱা দেখা গৈছে।

ভাৰতীয় জাতীয় ক্ৰিকেট দলৰ মুখ্য প্ৰশিক্ষক ৰবি শাস্ত্ৰীৰ লগতে অধিনায়ক বিৰাট কোহলীৰ লগতে বহু শুভাকাংশীয়ে নাটাশা আৰু  হাৰ্দিকক আগতীয়া শুভেচ্ছা প্ৰদান কৰিছে।

ৰিয়েলি শ্ব’ নাচ বলিয়ে ছিজন ৯ ৰ সঙ্গী তথা নাটাশাৰ প্ৰাক্তন প্ৰেমিক অলি গ’ণীয়ে দুয়োকে শুভকামনা জনাই লিখিছে, ‘ইশ্বৰে তোমালোকৰ মঙ্গল কৰক।’

উল্লেখ্য যে, বিগত বছৰৰ পৰাই ভাৰতীয় জাতীয় দলৰ ক্ৰিকেটাৰ হাৰ্দিক পাণ্ডিয়া আৰু নাটাশাৰ প্ৰেম কাহিনীয়ে দেশৰ সংবাদ মাধ্যমত ব্যাপকভাৱে চৰ্চা লাভ কৰি আহিছে।