আয়কৰ বিভাগৰ দ্বাৰা পানকাৰ্ড জাৰি কৰা হয়।সকলোধৰণৰ বিত্তীয় লেনদেনৰ বাবে ইয়াক এক জৰুৰী নথি হিচাপে ধৰা হয়।
যদি কাৰোবাৰ ৫০হাজাৰ টকাৰ ওপৰত লেনদেন কৰিবলগীয়া হয় তেতিয়াহ’লে পানকাৰ্ডৰ প্ৰয়োজন হয়।
সেয়েহে, পানকাৰ্ডৰ সম্পৰ্কত সকলোৰে সঠিক তথ্য থকাটো উচিত কিয়নো ই আই ডি প্ৰুফ হিচাপেও কাম কৰে।
পানকাৰ্ডত কোনোধৰণৰ আপডেট কৰাটো সহজ হৈ পৰিছে। এতিয়া আপুনি ভাৰত চৰকাৰৰ উমংগ এপৰ সহায়ত এয়া কৰিব পাৰে।
ইয়াৰ বাবে আপুনি এই এপটো প্ৰথমে আপোনাৰ ফোনত ডাউনলোড কৰিব লাগিব।
পানকাৰ্ডত সন্নিৱিষ্ট যিকোনো ভুল তথ্য, যেনে নাম, পিতৃৰ নাম, জন্মৰ তাৰিখৰ দৰে তথ্যসমূহ উমংগ এপৰ জৰিয়তে শুধৰাব পৰা যায়।
উমংগ এপত আপুনি ৰেজিষ্টাৰ্ড মোবাইল নম্বৰৰ জৰিয়তে লগ ইন কৰিব পাৰে। ইয়াত আপুনি মাই পান টেবত গৈ কাৰেকশ্যন বা চেঞ্জ অপশ্যনত যাব লাগিব।
ইয়াৰ পাছত পানকাৰ্ডত থকা কোনোধৰণৰ ভুল শুধৰাব পৰা যাব।
তথ্যৰ কোনোধৰণৰ শুধৰণি বা পুনৰ পানকাৰ্ড বিচৰাৰ বাবে মাছুল নেট বেংকিং, ডেবিট কাৰ্ড বা ক্ৰেডিট কাৰ্ডৰ জৰিয়তে জমা কৰিব পৰা যায়।
অৱশ্যে, অপডেট কৰাৰ সময়ত আপুনি সকলো ধৰণৰ নথি আৰু বৰ্তমানৰ পানকাৰ্ডৰৰ ফটোকপি ওচৰৰ পান চেন্টাৰ বা কোনো এনএছডিএল TIN কেন্দ্ৰত গৈ জমা কৰিব লাগিব।
