১০৮৫গৰাকী ব্যক্তি অসমত শনিবাৰে ক’ভিড আৰোগ্য হৈ চিকিৎসালয়ৰ পৰা মুকলি হৈছে।
এইসকল ব্যক্তিক ধৰি অসমত মুঠ আৰোগ্য লাভ কৰা ব্যক্তিৰ সংখ্যা ৩১,৪৪২লৈ বৃদ্ধি পাইছে।
অসমত বৰ্তমান সক্ৰিয় ক’ভিড ৰোগীৰ সংখ্যা হৈছে ১০,১৮০গৰাকী।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
ইপিনে ১৪৫৭গৰাকী ব্যক্তি অসমত শনিবাৰে ক’ভিড-১৯ পজিটিভ চিনাক্ত হৈছে।
ইয়াৰ ভিতৰত আছে কামৰূপ মহানগৰৰ ২৭৫, ডিব্ৰুগড়ৰ ১৩৬ আৰু শোণিতপুৰ জিলাৰ ১১৬গৰাকী ব্যক্তি।
অসমত টেষ্টৰ তুলনাত ক’ভিড পজিটিভৰ হাৰ পূৰ্বৰ তুলনাত হ্ৰাস পাইছে।
যোৱা ২৪ ঘণ্টাত ২৭,১৬১টা ক’ভিড টেষ্টৰ ভিতৰত এইসকল ব্যক্তিক পজিটিভ পোৱা গৈছে।
পজিটিভৰ হাৰ হৈছে ৫.৩৬ শতাংশ।
? Discharge Alert
1⃣0⃣8⃣5⃣ patients have been discharged today.
Heartening to see that the number of recovered patients is thrice to that of active patients. Kudos, team doctors!
?Total Discharged Patients: 31442
?Active Patients: 10,18010:05 PM/Aug 01#AssamCovidCount pic.twitter.com/V4Jz02Gj9h
— Himanta Biswa Sarma (@himantabiswa) August 1, 2020
আনহাতে আৰু তিনিগৰাকী ক’ভিড ৰোগীয়ে অসমত শনিবাৰে প্ৰাণ হেৰুৱাইছে আৰু ৰাজ্যত ৰোগবিধত মৃত্যু হোৱা লোকৰ সংখ্যা ১০১লৈ বৃদ্ধি পাইছে।
অসমত এতিয়ালৈকে চিনাক্ত মুঠ ক’ভিড আক্ৰান্ত হৈছে ৪১,৭২৬গৰাকী।
ইয়াৰে তিনিগৰাকী আন ঠাইলৈ স্থানান্তৰিত হৈছে।