সেনাৰ চোৰাংচেৱা বিভাগৰ পৰা লাভ কৰা বিশেষ খবৰৰ পম খেদি সেনা বাহিনী আৰু বাক্সা আৰক্ষীয়ে এক যুটীয়া অভিযান চলাই আজি বাক্সাত অস্ত্ৰ হস দুজন সন্দেহযুক্ত এন ডি এফ বি (এছ)ৰ কেডাৰ আটক কৰে।
প্ৰাপ্ত তথ্য মতে, স্থানীয় ভাৱে প্ৰশিক্ষণপ্ৰাপ্ত সন্দেহযুক্ত উগ্ৰপন্থী দুজনক আজি পুৱাৰ ভাগত বাক্সা জিলাৰ অন্তৰ্গত কাটিলাগাওঁ আৰু আমবাৰী গাঁৱৰ পৰা আটক কৰা হয়।
ধৃত উগ্ৰপন্থী দুজনক প্ৰয়াত ছোহিত ৰামচিয়াৰিৰ পুত্ৰ অশোক ৰামচিয়াৰি (২৯) আৰু প্ৰয়াত ৰনেশ্বৰ বসুমতাৰীৰ পুত্ৰ ছ’মভৰু বসুমতাৰী বুলি চিনাক্ত কৰা হৈছে।
ইয়াৰে অশোক ৰামচিয়াৰিৰ ঘৰত তালাচী চলাই আৰক্ষী তথা সেনাৰ যুটীয়া দলে দুটা এ কে-৪৭ ৰাইফল আৰু জাঁই সক্ৰিয় গুলী উদ্ধাৰ কৰিবলৈ সক্ষম হয়।
ধৃত উগ্ৰপন্থী দুজন এন ডি এফ বি (এছ)ৰ কেডাৰ হোৱাৰ উপৰি ধন দাবীৰ লগতে বিভিন্ন ধৰণৰ অসামাজিক কাৰ্যকলাপৰ সৈতেও জড়িত বুলি আৰক্ষীয়ে সন্দেহ কৰিছে।
পিছত তেওঁলোকক পৰৱৰ্তী অনুসন্ধানৰ বাবে মুৱাহালপুৰ আৰক্ষী থানাক গটাই দিয়া হয়।
