সংযুক্ত মুক্তি বাহিনী অসম(স্বাধীন), আলফা(স্বা)ৰ উপ মুখ্য সেনাধক্ষ্য দৃষ্টি ৰাজখোৱাক অসম আৰক্ষীৰ হাতত অৰ্পণ কৰিছে মেঘালয় আৰক্ষীয়ে।
উল্লেখ্য যে, বুধবাৰে আলফা(স্বা)ৰ মুখ্য সেনাধক্ষ্য তথা উপ সভাপতি পৰেশ অসমৰ অতি ঘনিষ্ঠ আলফা(স্বা)ৰ দুধৰ্ষ নেতা দৃষ্টি ৰাজখোৱা ওৰফে মনোজ ৰাভাই মেঘালয়ৰ দক্ষিণ গাৰো হিলছ জিলাৰ ব’লব’গক্ৰে গাঁৱত মেঘলায় আৰক্ষী আৰু এছএফ-10 কামাণ্ডৰ ওচৰত অন্য চাৰি সতীৰ্থসহ আত্মসমৰ্পণ কৰিছিল।
বিশেষ সূত্ৰৰ খবৰ অনুসৰি দৃষ্টি ৰাজখোৱাৰ দলটোৱে মেঘালয় আৰক্ষী আৰু এছএফ-10 কামাণ্ডৰ যুটীয়া অভিযানকাৰী বাহিনীৰ সৈতে আধাঘণ্টা জোৰা সংঘৰ্ষৰ পিছত আত্মসমৰ্পণ কৰিবলৈ বাধ্য হৈছিল।
আত্মসমৰ্পণ কৰাৰ পিছত দৃষ্টি ৰাজখোৱাৰ লগতে তেওঁৰ সৈতে আত্মসমৰ্পণ কৰা দলটো মেঘালয় আকক্ষীৰ জিম্মাত আছিল।
ইফালে কালি এই খবৰ লাভ কৰাৰ লগে লগে অসম আৰক্ষীৰ এটা দলে মেঘালয়লৈ ৰাওনা হয়।
বুধবাৰে সন্ধিয়া মেঘালয় আৰক্ষীয়ে আলফা(স্বা)ৰ শীৰ্ষ নেতা দৃষ্টি ৰাজখোৱাক অসম আৰক্ষীৰ হাতত অৰ্পণ কৰাৰ কথা টুইটাৰ যোগে জনাইছে।
Deputy Commander-in-Chief of United Liberation Front of Assam-Independent (ULFA-I) Dhristi Rajkhowa has been handed over to @assampolice and Security Forces, after he surrendered on Wednesday evening to Meghalaya Police. pic.twitter.com/YeMFNIvTPJ
— Meghalaya Police (@MeghalayaPolice) November 12, 2020
অৱেশ্যে এই সন্দৰ্ভত অসম আৰক্ষীয়ে এই প্ৰতিবেদন প্ৰস্তুত কৰি থকালৈকে কোনো আনুষ্ঠানিক বিবৃতি প্ৰকাশ কৰা নাই।
আলফা(স্বা)ৰ দুধৰ্ষ নেতা দৃষ্টি ৰাজখোৱা বিৰুদ্ধে অসম আৰক্ষীত হত্যা আৰু অপসৰহণৰ প্ৰায় দুই ডজন গোচৰ ৰুজু হৈ আছে।
বাংলাদেশৰ পৰা মেঘালয়ত প্ৰৱেশ কৰি বিগত কিছু দিন ধৰি আলফা(স্বা) উপ মুখ্য সেনাধক্ষ্য দৃষ্টি ৰাজখোৱাই মেঘালয়ৰ দক্ষিণ গাৰো হিলছ জিলাত বাহৰ পাতি আছিল বুলি ভাৰতীয় চোৰংচোৱা নিশ্চিত হৈছিল।
“২০ অক্টোবৰত দক্ষিণ গোৰা হিলছ জিলাৰ ব’লব’গক্ৰে গাঁৱত কামাণ্ড’ আৰু মেঘালয় আৰক্ষীয়ে চলোৱা অভিযানৰ পিছৰে তেওঁ পলায়ন কৰি আছিল।” মেঘালয়ৰ আৰক্ষীৰ এক টুইটত এইদৰে কোৱা হৈছে।
