আন্তঃৰাষ্ট্ৰীয় প’প ষ্টাৰ ৰিহানা আৰু পৰিবেশ কৰ্মী গ্ৰেটা থানবাৰ্গে ভাৰতত চলি থকা কৃষকৰ প্ৰতিবাদলৈ সমৰ্থন আগবঢ়াইছে।
‘‘আমি কিয় এই বিষয়ে কথা নাপাতিম?! #কৃষকৰ প্ৰতিবাদ,’’ ৰিহানাই এইদৰে টুইট কৰে।
টুইটাৰত ৰিহানৰ ১০০ মিলিয়নতকৈয়ো অধিক অনুৰাগী আছে।
ৰিহানাই টুইট কৰাৰ উপৰিও এন এন এনত প্ৰচাৰিত হোৱা ভাৰতৰ কৃষক প্ৰতিবাদ সম্পৰ্কত এটা বাতৰি শ্বেয়াৰ কৰে।
প্ৰতিবাদী কৃষকৰ প্ৰতিবাদস্থলীত ইণ্টাৰনেট সেৱা কৰ্তন কৰাৰ প্ৰসংগতো ৰিহানাই প্ৰতিক্ৰিয়া ব্যক্ত কৰে।
আনহাতে, শিশু পৰিবেশ কৰ্মী গ্ৰেটা থানবাৰ্গে ভাৰতৰ কৃষকৰ প্ৰতিবাদলৈ সমৰ্থন আগবঢ়াই লিখে, ‘‘আমি ভাৰতৰ কৃষকৰ প্ৰতিবাদৰ সৈতে একতাৰে থিয় হৈছো,’’ গ্ৰেটাই এইদৰে লিখে।
উল্লেখযোগ্য যে, পঞ্জাৱ, হাৰিয়ানা আৰু উত্তৰ প্ৰদেশৰ পৰা অহা হাজাৰ হাজাৰ প্ৰতিবাদী শ্ৰমিকে দিল্লীৰ সীমান্তত প্ৰতিবাদ অব্যাহত ৰাখিছে।
