মঙলবাৰে জালুকবাৰী সমষ্টিত অসম জাতীয় পৰিষদৰ এখন বিশাল জনজাগৰণ সমাবেশ অনুষ্ঠিত হয়।
বৰ্তমান বিজেপি চৰকাৰৰ প্ৰভাৱশালী মন্ত্ৰী ড৹ হিমন্ত বিশ্ব শৰ্মাৰ সমষ্টি জালুকবাৰীত অনুষ্ঠিত হয় অসম জাতীয় পৰিষদৰ এই জনজাগৰণ সভা।
শুৱালকুছি বালিছৰত অনুষ্ঠিত এই সভাত উদাত্ত ভাষণ আগবঢ়ায় অজাপৰ নেতা লুৰিনজ্যোতি গগৈ, দুলু আহমেদ আৰু জগদীশ ভূঞাই।
নিজৰ ভাষণত মন্ত্ৰী হিমন্ত বিশ্ব শৰ্মাৰ প্ৰলোভনৰ ৰাজনীতি এইবাৰ উফৰি যাব বুলি দাবী কৰে লুৰিনজ্যোতি গগৈয়ে।
দুই সহস্ৰাধিক দলীয় নেতা-কৰ্মীৰে উপস্থিতিত আজি অনুষ্ঠিত হয় অসম জাতীয় পৰিষদৰ এই জনজাগৰণ সভা।
শুৱালকুছিৰ মূল তোৰণৰ পৰা অজাপ নেতৃত্বক ৰাইজে আদৰি আনে।
শুৱালকুছিৰ ঈশ্বৰ শ্ৰীশ্ৰীহাটী সত্ৰ আৰু সিদ্ধেশ্বৰ দেৱালত সেৱা লৈ সভালৈ আগবাঢ়ে লুৰিনজ্যোতি সহ দলটোৰ নেতৃত্ব।
জালুকবাৰীত এইবাৰ অজাপই এগৰাকী সিংহ পুৰুষক টিকট দিব বুলি ঘোষণা কৰাৰ লগতে কংগ্ৰেছক ভোট দি মূল্যবান ভোট নষ্ট নকৰিবলৈকো দলৰ নেতৃত্বই ৰাইজক আহ্বান জনায়।
আনহাতে, অজাপৰ সভাৰ প্ৰাক মুহূৰ্তত শুৱালকুছিত বিজেপিৰ অৰ্ধ শতাধিক তোৰণ, হাজাৰ হাজাৰ পতাকা অঁৰা বিষয়ক লৈ মন্তব্য কৰে দুলু আহমেদে।
অজাপৰ নেতৃত্বক আদৰিবলৈয়ে বিজেপিৰ এই ব্যৱস্থা বুলিও কটাক্ষ কৰে আহমেদে।
