অসমৰ কংগ্ৰেছ সাংসদ আব্দুল খালেকে শনিবাৰে কয় যে তেওঁ দিব্যাংগ ব্যক্তিসকলৰ বাবে উপযুক্ত টয়লেটৰ সুবিধা নিশ্চিত কৰিবলৈ কেন্দ্ৰীয় সামাজিক ন্যায় আৰু সবলীকৰণ মন্ত্ৰী থাৱৰচান্দ গেহলটৰ সৈতে কথা পাতিব।
Topcem চিমেন্টে ইয়াৰ চিআইএছৰ অংশ হিচাপে যোৱা ২৮ জানুৱাৰিত গুৱাহাটীৰ আৰ্য বিদ্যাপীঠ উচ্চতৰ মাধ্যমিক বিদ্যালয়ত এটা টয়লেট ব্লক নিৰ্মাণ কৰি আগবঢ়াইছিল।
দুৰ্ভাগ্যজনকভাৱে, টয়লেট ব্লকটোত দিব্যাংগ শিক্ষাৰ্থী তথা শিক্ষকৰ বাবে কোনো সুবিধা ৰখা হোৱা নাই।
সামাজিক ন্যায় আৰু সবলীকৰণৰ সংসদীয় স্থায়ী সমিতিৰ এগৰাকী সদস্য সাংসদ খালেকে কয়, এইটো ‘দুৰ্ভাগ্যজনক’ যে Topcem চিমেন্ট কৰ্তৃপক্ষই টয়লেট ব্লকটো নিৰ্মাণ কৰোতে দিব্যাংগ লোকৰ অধিকাৰক সন্মান জনোৱা নাই।
‘’মই Topcem চিমেন্ট কৰ্তৃপক্ষক দিব্যাংগ লোকৰ অধিকাৰক সন্মান জনাবলৈ আহ্বান জনাইছো আৰু তেওঁলোকক শীঘ্ৰেই আৰ্য বিদ্যাপীঠ উচ্চতৰ মাধ্যমিক বিদ্যালয়ত উপযুক্ত টয়লেটৰ সুবিধা নিশ্চিত কৰিবলৈ আহ্বান জনালো,’’-খালেকে কয়।
কংগ্ৰেছ নেতাগৰাকীয়ে কয় যে দিব্যাংগ লোকসকলৰ বাবে উপযুক্ত টয়লেট থকাটো বাধ্যতামূলক আৰু শৈক্ষিক প্ৰতিষ্ঠানত এয়া অতি প্ৰয়োজনীয়।
‘’যদি প্ৰয়োজন হয়, মই সামাজিক ন্যায় তথা সবলীকৰণ মন্ত্ৰ্যালয়লৈ লিখিম বা কেন্দ্ৰীয় মন্ত্ৰীৰ সৈতে কথা পাতিম,’’-খালেকে কয়।
প্ৰধানমন্ত্ৰী নৰেন্দ্ৰ মোদীয়ে যিসময়ত দিব্যাংগসকলৰ সুবিধাৰ্থে ৰাজহুৱা টয়লেটৰ বাবে অভিযান চলাইছে, Topcem চিমেন্টে দিব্যাংগ শিক্ষাৰ্থী তথা শিক্ষকসকলৰ অধিকাৰক সম্পূৰ্ণ অৱজ্ঞা কৰাটো আশ্চৰ্যজনক।
চৰাকৰে এক মৰ্যাদাসম্পন্ন জীৱন যাপনক উৎসাহিত কৰাৰ এক অৱিচ্ছেদ্য লক্ষ্য হিচাপে ড্ৰিংকিং ৱাটাৰ এণ্ড ছেনিটাইজেশ্যন বিভাগে দিব্যাংগ ব্যক্তিসকলৰ বাবেও ছেনিটেশ্যনৰ সমান তথা উপযুক্ত সুবিধা দিয়াটো নিশ্চিত কৰিব বিচাৰিছে।
এগৰাকী দিব্যাংগৰ অধিকাৰ কৰ্মী তথা নেশ্যনেল চেন্টাৰ ফৰ প্ৰম’ছন অফ এমপ্লয়মেন্ট অফ ডিজেব’লড পিপুল’ৰ কাৰ্যবাহী সঞ্চালক আৰমান আলীয়ে কয় যে স্কুল, লাইব্ৰেৰী, হাস্পাতালেই হওক বা কোনো ৰাজহুৱা গৃহত বিশেষভাৱে সক্ষম ব্যক্তিসকলে টয়লেটৰ সুবিধা পোৱাৰ অধিকাৰ আছে।
‘’বিশেষভাৱে সক্ষম ব্যক্তিৰ অধিকাৰ আইনে বিশেষভাৱে সক্ষম ব্যক্তিসকলক সকলো সুবিধা সমানেই লাভ কৰাৰটো নিশ্চিত কৰিছে,’’ বুলি উল্লেখ কৰে আলীয়ে।
Topcem চিমেন্ট কৰ্তপক্ষক লগতে গুৱাহাটীৰ আৰ্য বিদ্যাপীঠ উচ্চতৰ মাধ্যমিক বিদ্যালয়ৰ শৈক্ষিক ব্লকৰ মাজৰ এটা শ্ৰেণীকোঠা (কোঠা নং ১২) ৰূপান্তৰিত কৰাৰ বাবেও জগৰীয়া কৰা হৈছে।
