দেশৰ অন্যান্য ৰাজ্যৰ দৰে অসমতো শীঘ্ৰে বিদ্যুত চালিত ৰে’ল সেৱা আৰম্ভ হ’ব বুলি উত্তৰ-পূব সীমান্ত ৰে’লৱে প্ৰকাশ কৰিছে।
২০২১ চনৰ মাৰ্চ মাহৰ ভিতৰত নিউ বঙাইগাঁৱৰ পৰা ৰঙিয়া জংচনলৈ বিদ্যুত চালিত ৰে’ল সেৱা আৰম্ভ হ’ব বুলি উত্তৰ-পূব সীমান্ত ৰে’লৱেৰ তৰফৰ পৰা সদৰী কৰা হয়।
আনহাতে, মে’ মহাৰ ভিতৰত নামনি অসমৰ পৰা গুৱাহাটীলৈ বিদ্যুত চালিত ৰে’ল সেৱাৰ কাম সম্পুৰ্ণ হৈ উঠিব।
বঙাইগাঁও, সৰভোগ, নলবাৰী, কামাখ্যাত চাৰ্জিং ষ্টেশ্যন থাকিব বুলিও উত্তৰ-পূব সীমান্ত ৰে’লৱে জানিবলৈ দিয়ে।
ডিব্ৰুগড় পৰ্যন্ত বিদ্যুত চালিত ৰে’ল সেৱাৰ কাম অতি ক্ষীপ্ৰ গতিত আগবঢ়োৱা হ’ব বুলিও ৰে’লৱে প্ৰকাশ কৰে।
বিদ্যুত চালিত ৰে’লেৰে যাত্ৰী সকলে কম সময়ৰ ভিতৰতে ভ্ৰমণৰ সুবিধা পোৱাৰ লগতে ইয়াৰ ফলত ডিজেলৰ ৰাহি হ’ব।
তদুপৰি, বিদ্যুত চালিত ৰে’লৰ দ্বাৰা পৰিবেশ প্ৰদূষণ নহয়।
