দলিত যুৱকৰ সৈতে পলায়ণ কৰা এগৰাকী কিশোৰীক হত্যা কৰাৰ এক জঘন্য ঘটনা পোহৰলৈ আহিছে।
ঘটনাৰ বিৱৰণী অনুসৰি যোৱা ২৬ ফেব্ৰুৱাৰিত ৰাজস্থানৰ দাউচা জিলাৰ এগৰাকী কিশোৰী পিংকী চাইনীক তেওঁৰ পিতৃ শংকৰ লাল চাইনীয়ে এজন ৫০ বছৰীয়া লোকৰ সৈতে বলপূৰ্বকভাৱে বিয়া দিয়ে।
বিয়াৰ তিনি দিনৰ পিছতে কিশোৰীগৰাকীয়ে উক্ত লোকজনৰ ঘৰৰ পৰা ওভতি আহে আৰু যোৱা ২১ ফেব্ৰুৱাৰিত দলিত সম্প্ৰদায়ৰ প্ৰেমিকৰ সৈতে পালয়ন কৰি বিবাহপাশত আৱদ্ধ হয়।
ইয়াৰ পিছ দিনাই কিশোৰীগৰাকীৰ পিতৃয়ে তেওঁৰ কন্যাক অপহৰণ কৰা বুলি আৰক্ষী থানাত এজাহাৰ দাখিল কৰে।
ইফালে কিশোৰীগৰাকীয়ে নিজৰ প্ৰেমিকৰ সৈতে তেওঁলোকৰ জীৱনলৈ সংকট অহা বুলি নিৰাপত্তা বিচাৰি ৰাজস্থান উচ্চ ন্যায়ালয়ৰ দাৰস্থ হয়।
২৬ ফেব্ৰুৱাৰিত উচ্চতম ন্যায়ালয়ে আৰক্ষীক দুয়োকে তেওঁলোকে বিচৰাৰ দৰেই নিৰাপত্তা দিয়াৰ লগতে সুৰক্ষিত ঠাইত ৰাখিবলৈ নিৰ্দেশ দিয়ে।
আৰক্ষী অধীক্ষক অনিল বেনিৱালে প্ৰকাশ কৰা অনুসৰি ইয়াৰ পিছতে দুয়ো দাউচালৈ ওভতি আহে আৰু ১ মাৰ্চত পিংকী ছাইনীক অপহৰণ কৰা বুলি আৰক্ষীক অভিযোগ দিয়া হয়।
দুদিন ধৰি কিশোৰীগৰাকীৰ সন্ধানত অভিযান চলায় যদিও আৰক্ষীয়ে কোনো শুংসূত্ৰ লাভ নকৰাৰ পিছত পিতৃয়ে পুনৰ আৰক্ষী থানাত অপহৰণ হোৱা বুলি এজাহাৰ দাখিল কৰে।
ইয়াৰ পিছতে ঘটনাই নতুন মোৰ লয়। পৰিয়ালৰ লোকৰ উদ্ধৃতিৰে পিটিআই-এ প্ৰকাশ কৰা অনুসৰি কিশোৰীগৰাকীক পিতৃয়ে ঘৰলৈ জোৰকৈ লৈ আহি ডিঙি টিপি হত্যা কৰে।
বুধবাৰে বিয়লি প্ৰায় ৩ বজাত নিজ কন্যাক হত্যা কৰা বুলি স্বীকাৰ কৰি পিতৃয়ে আৰক্ষীৰ ওচৰত আত্মসমৰ্পণ কৰে।
