২৩ মাৰ্চৰ পৰা ইংলেণ্ডৰ বিৰুদ্ধে অনুষ্ঠিত হ’বলগা তিনিখনীয়া এদিনীয়া শৃংখলাৰ বাবে ভাৰতীয় দলটো ঘোষণা কৰা হৈছে।
বিচিচিআইয়ে শুকুৰবাৰে খেলুৱৈসকলৰ নাম ঘোষণা কৰে।
বৃহস্পতিবাৰে অনুষ্ঠিত হোৱা চতুৰ্থখন টি-২০ মেচত দুৰ্দান্ত প্ৰদৰ্শন আগবঢ়োৱা নৱাগত বেটছমেন সূৰ্যকুমাৰ যাদৱ আৰু ফাষ্ট বলাৰ প্ৰসিদ্ধ কৃষ্ণৱেও দলত স্থান লাভ কৰিছে।
আঘাতজনিত সমস্যাৰ বাবে অলৰাউণ্ডাৰ ৰবীন্দ্ৰ জাডেজা আৰু ফাষ্ট বলাৰ মহম্মদ ছামী দলৰ পৰা বাদ পৰিছে।
আনহাতে, দীৰ্ঘদিনৰ বিৰতিৰ পাছত ফাষ্ট বলাৰ ভুৱনেশ্বৰ কুমাৰ আৰু অলৰাউণ্ডাৰ ক্ৰুণাল পাণ্ডিয়াই দলত স্থান লাভ কৰিছে।
উল্লেখযোগ্য যে ক’ভিড-১৯ৰ লকডাউনৰ পাছত প্ৰায় এবছৰৰ পাছত ভাৰতত পুনৰ এদিনীয়া ক্ৰিকেট শৃংখলা অনুষ্ঠিত হ’ব।
ইয়াৰ পূৰ্বে ২০২০ চনৰ ১৯ জানুৱাৰীত অষ্ট্ৰেলিয়াৰ বিপক্ষে বেংগালুৰুত শেষবাৰৰ বাবে এদিনীয়া মেচ অনুষ্ঠিত হৈছিল।
শৃংখলাটোৰ তিনিওখন মেচ পুনেত ২৩, ২৬ আৰু ২৮ মাৰ্চত অনুষ্ঠিত হ’ব।
ঘোষিত দলটো-
বিৰাট কোহলী (অধিনায়ক), ৰোহিত শৰ্মা (সহঃ অধিনায়ক), শিখৰ ধাৱান, শুৱনম গীল, শ্ৰেয়ষ আয়াৰ, সূৰ্যকুমাৰ যাদৱ, হাৰ্দিক পাণ্ডিয়া, ঋষভ পণ্ট (উইকেটকীপাৰ), য়ুজভেন্দ্ৰ চাহাল, কে এল ৰাহুল (উইকেটকীপাৰ), কুলদ্বীপ যাদৱ, ক্ৰুণাল পাণ্ডিয়া, ৱাশ্চিংটন সুন্দৰ, টি নটৰাজন, ভুৱনেশ্বৰ কুমাৰ, মহম্মদ চিৰাজ, প্ৰসিদ্ধ কৃষ্ণ আৰু শ্বাৰদুল ঠাকুৰ।
