ক’ৰ’নাৰ মহৌষধ হিচাবে বাবা ৰামদেৱে দাবী কৰি অহা ক’ৰ’নিল নামৰ দৰৱ বিধৰ বিতৰণ বন্ধ কৰি দিছে নেপালৰ আয়ুৰ্বেদিক আৰু বিকল্প দৰৱ বিভাগে। ৰামদেৱ নেতৃত্বাধীন পতঞ্জলিয়ে কিছুদিন পূৰ্বে নেপালক ১,৫০০ ক’ৰ’নিল কিট উপহাৰ হিচাবে আগবঢ়াইছিল।
কিন্তু উক্ত দৰৱ গ্ৰহণ কৰাৰ ক্ষেত্ৰত যাৱতীয় বিধি মানি চলা হোৱা নাছিল আৰু দৰৱ বিধকলৈ সৃষ্টি হোৱা বিতৰ্কৰ দোহাই দিয়েই নেপালৰ চৰকাৰে জৰৱ বিধৰ বিতৰণ বন্ধ কৰি দিয়ে।
শেহতীয়াকৈ নেপালৰ চৰকাৰে এইবুলি ঘোষণা কৰিছে যে পতঞ্জলিৰ নাকেৰ গ্ৰহণ কৰা ক’ৰ’নাৰ দৰৱ আৰু ক’ৰ’নিল কোভিড প্ৰতিৰোধী বুলি প্ৰমাণ হোৱা নাই। সেইবাবেই এনে দৰৱ কোভিডৰ দৰৱ হিচাবে চলাব দিব নোৱাৰি।
উল্লেখ্য ইয়াৰ পূৰ্বে ভূটানে ক’ৰ’নিলৰ ব্যৱহাৰ বন্ধ কৰাৰ সিদ্ধান্ত লৈছিল।পতঞ্জলিয়ে নেপালতো উৎপাদন গোট স্থাপন কৰিছে।উল্লেখ্য পতঞ্জলিয়ে ক’ৰ’নিল উপহাৰ হিচাবে আগবঢ়োৱাৰ সময়ত নেপালৰ আছিল হৃদেশ ত্ৰিপাঠী। একেদৰে মহিলা আৰু শিশু কল্যাণ দপ্তৰৰ মন্ত্ৰী আছিল জুলি মাহাতো।
শেহতীয়াকৈ তেওঁলোক দুয়ো ক”নাত আক্ৰান্ত হোৱাৰ পিছতে বহুতে এইবুলি প্ৰশ্নকৰিছে যে ক’ৰ’নিল ব্যৱহাৰ কৰাৰ পিছতো তেওঁলোক ক’ৰ’নাৰ পৰা বাচি থাকিব নোৱাৰিলে কিয়?নেপালৰ প্ৰাক্তন মন্ত্ৰী জুলি মাহাতোৰ উপেন্দ্ৰ মাহাতোৰ পতঞ্জলিত বৃহৎ বিনিয়োগ আছে।
উল্লেখ্য ৰামদেৱে ক’ৰ’নাৰ দৰৱ আৱিষ্কাৰ কৰা বুলি দাবী কৰিছিল। কিছুদিন পূৰ্বে যোগগুৰু ৰামদেৱ নেতৃত্বাধীন পতঞ্জলিয়ে ক’ৰ’ণা ভাইৰাছ প্ৰতিৰোধ কৰিব পৰা মহৌষধ কৰনিল আৱিষ্কাৰ কৰা বুলি ঢাক-ঢোল বজাই প্ৰচাৰ কৰিছিল।
পতঞ্জলিয়ে আনকি ক’ৰনিল দৰৱ বিধৰ বিপণনৰ বাবেও প্ৰস্তুত হৈছিল।
কিন্তু আয়ুষ বিভাগৰ হস্তক্ষেপত প্ৰথম পদক্ষেপতে থমকি ৰ’ৱলগীয়া হৈছিল পতঞ্জলি।
ৰামদেৱৰ পতঞ্জলিয়ে আৱিষ্কাৰ কৰা বুলি দাবী কৰা ক’ৰনিল দৰৱে সাত দিনৰ ভিতৰতে ক’ৰ’ণা ৰোগীক ৰোগ মুক্ত কৰিব পাৰে বুলি ৰামদেৱে দাবী কৰিছিল।
কিন্তু সেই সময়ত আয়ুষ দপ্তৰে ক’ৰনিলক কোভিডৰ দৰৱ হিচাবে প্ৰচাৰ নচলাবলৈ ৰামদেৱক সকিয়াই দিছিল।
