অসমৰ বাবে আৰু এটা সুখৱৰ, বিশেষকৈ পৰিৱেশপ্ৰেমীসকলৰ বাবে।
অসমত এতিয়া ৰাষ্ট্ৰীয় উদ্যানৰ সংখ্যা ৭ খনলৈ বৃদ্ধি পালে। সেইমৰ্মে ৰাষ্ট্ৰীয় উদ্যানৰ সংখ্যাৰ দিশৰ পৰা অসম দেশৰ ভিতৰতে দ্বতীয় স্থানত থকা ৰাজ্যত পৰিণত হ’ল।
উল্লেখ্য ভাৰতৰ মধ্য প্ৰদেশ আৰু আন্দামান নিকোবৰত ৯ খনকৈ ৰাষ্ট্ৰীয় উদ্যান আছে। আজি বন মন্ত্ৰী পৰিমল শুক্লবৈদ্যই কয় যে দিহিং পাটকাইক ৰাষ্ট্ৰীয় উদ্যান হিচাবে ঘোষণা কৰাৰ পিছত উদ্যান কনলৈ পৰ্যটকৰ আগমণ বৃদ্ধি পাব।
নতুনকৈ ৰাষ্ট্ৰীয় উদ্যান ঘোষিত দিহিং পাটকাই ডিগবৈ সংমণ্ডলৰ চৰাইপুং আৰু ডিব্ৰুগড় সংমণ্ডলৰ জয়পুৰ ৰেঞ্জৰ অধীনত থাকিব।
২০১৪ চনত ৰাজ্যপালৰ অনুমোদনৰ পাছত বৰ্ষাৰণ্য দিহিং পাটকাই অভয়াৰণ্যই লাভ কৰিছিল ৰাষ্ট্ৰীয় উদ্যানৰ স্বীকৃতি। ইয়াৰ ফলত অসমত এতিয়া ৰাষ্ট্ৰীয় উদ্যানৰ সংখ্যা ৭ খনলৈ বৃদ্ধি পালে।
২০১৪ বর্ষৰ মে মাহত অবৈধ কয়লা খননৰ বাবে দিহিং পাটকাই বিশেষ চৰ্চাৰ মাজলৈ আহিছিল। সামাজিক গণ মাধ্যমত ইয়াৰ বিৰুদ্ধে প্ৰতিবাদৰ জোৱাৰো উঠিছিল। আনকি দেশ-বিদেশতো অভয়াৰণ্যখনক লৈ পৰিৱেশ কৰ্মীসকল সৰৱ হৈ পৰিছিল।
ইয়াৰ পাছতে তদানীন্তন মুখ্য মন্ত্ৰী সৰ্বানন্দ সোণোৱালে দিহিং পাটকাই অভয়াৰণ্যখনক ৰাষ্ট্ৰীয় উদ্যানলৈ উন্নীত কৰিবলৈ বন বিভাগক নিৰ্দেশ দিছিল।
প্ৰাকৃতিক সম্পদৰ ভাণ্ডাৰ হিচাপে পৰিচিত অভয়াৰণ্যখনৰ জৈৱ বৈচিত্ৰ্যৰ বৈশিষ্ট্যসমূহ অটুট ৰাখি ইয়াৰ সুৰক্ষা নিশ্চিত কৰিবলৈ মুখ্যমন্ত্ৰীয়ে বন বিভাগক নিৰ্দেশ দিছিল।
উল্লেখ্য যে ২০০৪ চনৰ ১৩ জুনত দিহিং পাটকাইৰ ১১১.১৯ বৰ্গকিলোমিটাৰ অংশই অভয়াৰণ্যৰ স্বীকৃতি লাভ কৰিছিল। দিহিং পাটকাইৰ মুঠ মাটিকালি হৈছে ৫৭৫ বৰ্গকিলোমিটাৰ।
