তৃতীয় বড়ো শান্তি চুক্তি বিটিআৰৰ মধ্যস্থতাকাৰী তথা নৰ্থ -ইষ্ট হেৰিটেজ ফাউন্ডেছনৰ সঞ্চালক ৰাজ কুমাৰ পৃথ্ৱীৰাজ নাৰায়ণ দেৱ মেচে বিটিআৰৰ মুখ্য কাৰ্যৱাহী প্ৰমোদ বড়োৰ বিৰুদ্ধে সৰৱ হৈ পৰিছে৷
বিশেষকৈ যোৱা চাৰি জুনত বিটিচিৰ প্ৰধান সচিবে এক নিৰ্দেশনাযোগে বিটিচিৰ চাৰি জিলাৰ উপায়ুক্ত সকলৰ ওপৰত উন্নয়নমূলক কাম-কাজৰ কৰ্তৃত্ব প্ৰদানকলৈ কঠোৰ ভাষাৰে সমালোচনা কৰিছে মুখ্য কাৰ্যবাহী বড়োক৷
কোকৰাঝাৰ চহৰৰ হোটেল গৌৰাং ভেলীত আজি এখন সংবাদ মেল সম্বোধন কৰি যুৱ নেতা মেচে কয় যে প্ৰায় পাঁচ সহস্ৰাধিক লোকৰ জীৱন বলিদানৰ পিচতহে বিটিচিৰ সৃষ্টি হৈছিল৷
কিন্তু পৰিষদীয় নিৰ্বাচনৰ পূৰ্বে পৰিৱৰ্তনৰ দৰকাৰ, ছৌলাইনায়া গৌনাংথাৰ শ্লোগানেৰে বিটিচি দখল কৰা প্ৰমোদ বড়োই উপায়ুক্ত সকলক কৰ্তৃত্ব প্ৰদান কৰি অতি লজ্জাজনক ছবি এখন দাঙি ধৰিলে বুলি তেওঁ কয়।
ৰাজকুমাৰ পৃথ্বীৰাজ নাৰায়ণ দেৱ মেচৰ কটাক্ষ-‘মৰমৰ প্ৰমোদ দা আপোনাক মই সসন্মানে কৈছোঁ যদি ক্ষমতা আছে বিটিচিৰ উপায়ুক্ত,আৰক্ষী অধীক্ষক সকলক নিযুক্তি আৰু বদলি কৰি দেখুৱাওক৷’
