পাকিস্তানৰ কাৰাগাৰত মৃত্যুৰ ক্ষণ গণি থকা ভাৰতীয় নাগৰিক কুলভূষণ যাদৱে পাকিস্তানৰ উচ্চ ন্যায়ালয়ত তেওঁক প্ৰদান কৰা মৃত্যুদম্ডৰ বিৰুদ্ধে আবেদন জনাব পাৰিব ।
আজি পাকিস্তানৰ নিমন্ত সদনত এই বিষয়ে এখন বিধেয়ক গৃহীত কৰা হয়। ইন্টাৰনেছনেল কোৰ্ট অৱ জাষ্টিছে কুলভূষণ যাদৱ সন্দৰ্ভত দিয়াৰায়ক কাৰ্যকৰী কৰাৰ বাবেই এই বিশেষ বিধেয়ক খন গৃহীত কৰা হয়।
পাকিস্তানৰ নিম্ন সংসদৰ ২১ গৰাকী সদস্যএ আজি এই বিধেয়ক খনত সমৰ্থন জনায়।উল্লেখ্য ২০১৯ চনতে ইন্টাৰনেছনেল কোৰ্ট অৱ জাষ্টিছে কুলভূষণ যাদৱক ন্যায় লাভৰ সকলো পন্থা অৱলম্বনৰ সুবিধা দিবলৈ নিৰ্দেশ দিছিল।
পাকিস্তানৰ বিৰুদ্ধে চোৰাংচোৱাগিৰি কৰাৰ অভিযোগত পাক সেনাই ২০১৬ চনত ইৰাণৰ চাবাহাৰ বন্দৰৰ পৰা ধৰি লৈ যোৱা ভাৰতীয় নৌসেনা বাহিনীৰ প্ৰাক্তন বিষয়া কুলভূষণ যাদৱে মৃত্যুদণ্ডৰ আদেশ পুনৰ বিবেচনা কৰাৰ বাবে এইবাৰ সুবিধা লাভ কৰিব।
উল্লেখ্য ২০১৬ চনত কুলভূষণ যাদৱক পাকিস্তানে বালুচিস্তানৰ পৰা গ্ৰেপ্তাৰ কৰা বুলি কৈ আহিছে যদিও ভাৰতৰ মতে তেওঁ সেই সময়ত ইৰাণতহে আছিল।
গ্ৰেপ্তাৰৰ এবছৰ পিছতেই পাকিস্তানৰ সেনাৰ আদালতে কুলভূষণ যাদৱক চোৰাংচোৱাগিৰি কৰাৰ অভিযোগত মৃত্যুদণ্ডৰে দণ্ডিত কৰে।
পাক চৰকাৰৰ এনে সিদ্ধান্তৰ বিৰুদ্ধে ভাৰতে ইন্টাৰনেছনেল কোৰ্ট অৱ জাষ্টিছৰ কাষ চপাত ইন্টাৰনেছনেল কোৰ্ট অৱ জাষ্টিছে বিগত বৰ্ষৰ জুলাই মাহত কুলভূষণ যাদৱক মৃত্যুদণ্ডৰ আদেশ পুনৰ বিবেচনা কৰাৰ বাবে আবেদন জনোৱাৰ সুযোগ দিবলৈ কৈছিল।
