ৰায় পুৰৰ প্ৰায় ৫৫ কিলোমিটাৰ দূৰত্বত দূৰ্গ জিলাৰ নন্দিনীৰ এক বৃহৎ এলেকাত মানৱসৃষ্ট অৰণ্য নিৰ্মাণৰ পৰিকল্পনা বাস্তৱায়িত কৰাৰ পথত আগবাঢ়িছে ছত্তীছগড়। বিশেষকৈ পৰিত্যক্ত এলেকা, আৰু অকাৰ্যক্ষম খনিৰ এলেকা সমূহ সমৰি লৈছে অৰণ্য গঢ়াৰ উদ্দেশ্যে।
চলি থকা এই ব্যতিক্ৰমী পদক্ষেপে ৩৭৭৭ একৰলৈ প্ৰাকৃতিক নিবাস অৰণ্য প্ৰসাৰিত কৰিব। এই পৰ্যন্ত ১১২০ একৰ ঠাই অৰণ্যলৈ ৰূপান্তৰ হৈছে। এই বৰ্ষত ৰাজ্যিক বন বিভাগৰ দ্বাৰা ৮৯৫ একৰ ভূমিত ৩০ টা ভিন্ন প্ৰজাতিৰ ৮৩ হেজাৰ পুলি, বনৌষধি গছৰ পুলি সহিতে ৰোপন কৰা হৈছে।
মুখ্য মন্ত্ৰী ভূপেশ বাঘেলে তেওঁৰ পৰিদৰ্শনৰ সময়ত জন ভ্যান আচঁনিৰ অধিনত প্ৰতীকী ৰূপে এজোপা বটবৃক্ষৰ পুলিও ৰোপন কৰে। প্ৰকল্পটোৰ মুঠ খৰচ ৩.৩৭ কোটি টকা ধাৰ্য কৰা হৈছে।
Latest News: নগাঁৱত ভয়ংকৰ দুৰ্ঘটনা,থিতাতে নিহত দুজন
পৰিবেশ সংৰক্ষণৰ এটা নতুন ধাৰণাৰ ভিত্তিত আৰু জাপানী প্ৰযুক্তি মিয়াওয়াকিৰ সৈতে কাৰ্যকৰি কৰা হৈছে, যি ঘন আৰু স্বনিৰ্ভৰশীল স্থানীয় অৰণ্য নিৰ্মাণত সহায় কৰিছে। ইয়াত প্ৰাকৃতিক আৰু ভিন্ন স্তৰৰ পুলিৰ দ্ৰুত বিকাশ হয়(প্ৰায় ১০গুণ )। নন্দিনী অৰণ্য পূৰ্ণ হ’লে দেশৰ আটাইতকৈ ডাঙৰ মানৱসৃষ্ট অৰণ্য হিচাপে পৰিগণিত হ’ব।
মুখ্য মন্ত্ৰীৰ নিৰ্দেশ মতে প্ৰকল্পটো প্ৰস্তুত কৰা হৈছে বুলি ৰাজ্যৰ মুখ্য বন সংৰক্ষণ বিষয়া(পি.চি.চি.এফ ) ৰাকেশ চতুৰ্বেদীয়ে সদৰি কৰে।
খনিসমূহৰ খননকৃত ঠাইসমূহত সাধাৰণতে ডালেমাইট চূণ শিল পোৱা গৈছিল। অৰণ্য খনৰ ভিতৰত পানী সংৰক্ষণ বাবে বৃহৎ জলধাৰা নিৰ্মাণ কৰা হৈছে। ঠাইখনৰ বিশাল জলধাৰা পখীৰ সুগম আৱাস হিচাপেও ব্যৱহাৰ কৰা হৈছে। ইউৰোচাইবেৰিয়ান অঞ্চলৰ পৰিভ্ৰমী চৰাই ইয়াত দেখিবলৈ পোৱা গৈছে । এই প্ৰকল্প অহা কেইটামান বছৰৰ ভিতৰতে ব্যাপক ৰূপ লাভ কৰিব বুলি পি.চি.চি.এফ বিষয়া জনে জানিবলৈ দিয়ে।
ছত্তীছগড়ত পৰিত্যক্ত খনিত কোনো অভাৱ নাই সেয়ে খনিসমূহ অলপ পুনৰ নিৰ্মাণৰ জৰিয়তে কাৰ্যক্ষম কৰি তোলা হৈছে। নন্দিনী অৰণ্যৰ ভৱিষ্যত পৰিকল্পনা এনে ধৰণৰ- মুকলি ঠাই, ইকো-এথনিক পৰ্য্যতনকেন্দ্ৰ হিচাপে গঢ়ি তোলা, য’ত জল ক্ৰীড়াৰ সংবৰ্ধন, থাকিবৰ বাবে অতিথি শালাৰ ব্যৱস্থা কৰা হ’ব। উল্লেখযোগ্য যে ৰাজ্য খনৰ ৪৪% ভূখণ্ড অৰণ্য খনে আগুৰি থাকিব।
