অসম চৰকাৰে আজি বিভিন্ন নিগম-নিকায়ৰ অধ্যক্ষকে ধৰি উপাধ্যক্ষ, উপদেষ্টা আদিৰ নাম ঘোষণা কৰে।
সেইমৰ্মে অন্যান্য পিছপৰা শ্ৰেণী নিগমৰ অধ্যক্ষৰ পদত নিযুক্তি দিয়া হৈছে নৱনীতা সন্দিকৈক, জিএমডিএৰ অধ্যক্ষ পদত নাৰায়ণ ডেকা, , ভৈয়াম জনজাতি উন্নয়নৰ অধ্যক্ষ পদত ৰমাকান্ত দেউৰীক,গেছ কোম্পানীৰ অধ্যক্ষ পদত বলিন চেতিয়াক, অনুসূচিত জাতি উন্নয়ন নিগমৰ অধ্যক্ষৰ পদত জয়ন্ত দাসক,মীন উন্নয়ন নিগমৰ অধ্যক্ষৰ পদত গুৰুজ্যোতি দাসক , অসম বিত্ত নিগমৰ অধ্যক্ষৰ পদত বিজয় গুপ্তাক,অসম চলচ্চিত্ৰ বিত্ত উন্নয়ন নিগমৰ অধ্যক্ষৰ পদত সীমান্ত শেখৰক, অসম মাৰ্কেটিং নিগমৰ অধ্যক্ষৰ পদত অশোক সিংঘিক নিযুক্তি প্ৰদান কৰা হৈছে।
একেদৰে ক্ৰীড়া আৰু যুৱ কল্যাণ উপদেষ্টা পৰিষদৰ সদস্য-সচিব হিচাবে পবিত্ৰ মাৰ্ঘেৰিটাক নিযুক্তি প্ৰদান কৰা হৈছে।
পৰ্যটন নিগমৰ অধ্যক্ষ হিচাবে ঋতুপৰ্ণ বৰুৱাক, অসম ঔদ্যোগিক উন্নয়ন নিগমৰ অধ্যক্ষ হিচাবে প্ৰশান্ত ফুকনক নিযুক্তি দিয়া হৈছে। অসম ৰাজ্যিক পৰিবহন নিগমৰ অধ্যক্ষ হিচাবে মিছন ৰঞ্জন দাসক, চাহ নিগমৰ অধ্যক্ষৰ পদত ৰাজদীপ গোৱালাক নিযুক্তি দিছে।
হাইড্ৰ’-কাৰ্বন এনাৰ্জিৰ অধ্যক্ষৰ হিচাবে হিৰণ্য কোঁৱৰক,আৰ্টফেডৰ অধ্যক্ষ হিচাবে নাথুৰাম বড়োক,গৃহ নিৰ্মাণ বিভাগৰ অধ্যক্ষ হিচাবে পুলক গোহাঁইক, ক্ষুদ্ৰ উদ্যোগ উন্নয়ন নিগমৰ অধ্যক্ষ কিশোৰ উপাধ্যায়, খনি উন্নয়ন নিগমৰ অধ্যক্ষ ৰূপে ৰণগৌৰা নাৰ্জাৰীক, গাওঁৰক্ষী বাহিনীৰ উপদেষ্টা হিচাবে ৰঞ্জিত মজুমদাৰক, ফিছফেডৰ অধ্যক্ষ হিচাবে সুশীলা হাজৰিকাক,পণ্য সামগ্ৰী নিগমৰ অধ্যক্ষ হিচাবে নিৰেণ বৈশ্যক, অসম ক্ৰীড়া প্ৰাধিকৰণৰ উপাধ্যক্ষ হিচাবে লক্ষ্য কোঁৱৰক নিযুক্তি দিয়া হৈছে।
একেদৰে চৰকাৰে ভাষিক সংখ্যালঘু উন্নয়ন ব’ৰ্ডৰ অধ্যক্ষৰ দায়িত্ব শিলাদিত্য দেৱক,জ্যেষ্ঠ নাগৰিক কল্যাণ পৰিষদৰ অধ্যক্ষৰ দায়িত্ব প্ৰদীপ ঠাকুৰীয়াক, ৰাজ্যিক মহিলা আয়োগৰ অধ্যক্ষা ৰূপে নিযুক্তি হেমপ্ৰভা বৰঠাকুৰক,হাঁহ-কুকুৰা পালন নিগমৰ অধ্যক্ষ ৰূপে মনোজ শইকীয়াক, বীজ নিগমৰ অধ্যক্ষ প্ৰবীণ হাজৰিকাক, কলাক্ষেত্ৰ সমাজৰ উপাধ্যক্ষ হিচাবে জিতুল সোণোৱালক,সংখ্যালঘু উন্নয়ন ব’ৰ্ডৰ অধ্যক্ষ হিচাবে হবিব মহম্মদ চৌধুৰীক নিযুক্তি প্ৰদান কৰাৰ কথা ঘোষণা কৰিছে।
