Dwayne Bravo টী-২০ বিশ্বকাপৰ পাছতে আন্তৰ্জাতিক ক্ৰিকেটৰ পৰা অৱসৰ গ্ৰহণৰ কথা ঘোষণা কৰিছে ৱেষ্ট ইণ্ডিজৰ তাৰকা অলৰাউণ্ডাৰ ডোৱেইন ব্ৰেভোই।
বিশ্বকাপত ৱেষ্ট ইণ্ডিজৰ আৰু মাত্ৰ এখন মেচ খেলিবলৈ বাকী আছে। অষ্ট্ৰলিয়া বিৰুদ্ধে খেলিবলগীয়া এই মেচখনৰ পাছতে নিজৰ ১৮বছৰীয়া বৰ্ণাঢ্য কেৰিয়াৰ সামৰণি মাৰিব তাৰকা পেচাৰ-বেটাৰ গৰাকীয়ে।
বৃহস্পতিবাৰে শ্ৰীলংকাৰ বিৰুদ্ধে ২০ৰাণত পৰাজয় বৰণ কৰি টী-২০ বিশ্বকাপৰ পৰা বিদায় লৈছে বৰ্তমান চেম্পিয়ন ৱেষ্ট ইণ্ডিজ।
মেচখনৰ সমাপ্তিৰ পাছত আইচিচিৰ ব্ৰডকাষ্ট প্ৰগ্ৰামলৈ আহি ব্ৰেভোৱে অৱসৰৰ কথা ঘোষণা কৰে।
Also Read: T-20 World Cup: শ্ৰীলংকাৰ দুৰ্দান্ত প্ৰদৰ্শন; ছুপাৰ-১২ত ৱেষ্ট ইণ্ডিজক হৰুৱালে ২০ ৰাণত
ব্ৰেভোই কয়,’’মই ভাৱো সময়টো আহি পৰিছে। খুব ভালদৰে মোৰ কেৰিয়াৰ পাৰ হৈছ। ৱেষ্ট ইম্ডিজক ১৮ বছৰ প্ৰতিনিধিত্ব কৰিব পাৰিছো। উত্থান-পতনৰ মাজেৰে সময় পাৰ হৈছে। কিন্তু অতীতলৈ ঘুৰি চালে মই কেৰিবিয়ানসকলৰ সফলতাৰ সৈতে প্ৰতিনিধিত্ব কৰাৰ গৌৰৱ দেখা পাওঁ। তিনিটাকৈ আইচিচি ট্ৰফী বিজয় সঁচাকৈয়ে গৌৰৱৰ অধ্যায়।‘’
২০০৪ চনত কেৰিয়াৰৰ অভিষেক ঘটা ব্ৰেভোৱে দেশৰ জাৰ্ছি পৰিধান কৰি ৯০খন টী-২০ মেচত ৭৮টা উইকেট তথা ১হাজাৰতকৈয়ো অধিক ৰাণ সংগ্ৰহ কৰিছে।
