Student Politics আম আদমী পাৰ্টি চমুকৈ আপৰ যুৱ ছাত্ৰ সংগঠন ছাত্ৰ যুৱ সংগ্ৰাম সমিতিৰ দুদিনীয়া কাৰ্য্যসূচীৰে চলা ৰাজ্যিক কাৰ্যনিৰ্বাহক সভাত কিছু গুৰুত্বপূৰ্ণ বিষয়ৰ লগতে আগন্তুক কাৰ্যপন্থাৰ বাবে কিছুমান সিদ্ধান্ত গ্ৰহণ কৰা হয়।
ছাত্র যুৱ সংগ্ৰাম সমিতি অসম হৈছে স্বৰাজ প্ৰতিষ্ঠাৰ লগতে অসমৰ তথা ভাৰতবৰ্ষত আদৰ্শ আৰু মূল্যবোধৰ ৰাজনীতি প্ৰতিষ্ঠাৰ বাবে জন্ম লাভ কৰা সংগঠন আৰু জন্মলগ্নৰে পৰা এই সংগঠনে আদৰ্শ আগত ৰাখি কার্যকলাপ গ্রহণ কৰি আহিছে।
ছাত্র যুৱ সংগ্ৰাম সমিতিয়ে আগন্তুক দিনত অসমৰ প্ৰতিখন বিদ্যালয়, মহাবিদ্যালয়, বিশ্ববিদ্যালয়ত ছাত্ৰ একতা সভাৰ নিৰ্বাচনত অংশগ্ৰহণ কৰাৰ সিদ্ধান্ত গ্ৰহণ কৰিছে।
অৱধাৰিত প্ৰচলিত তথাকথিত চান্দা সংস্কৃতিৰ পৰা আঁতৰত থাকি প্রচলিত ব্যৱস্থাক প্ৰত্যাহ্বান জনাবৰ বাবে তথা ছাত্র সমাজক নেতৃত্ব প্ৰদান কৰি এক সৎ আৰু আদৰ্শৰ ৰাজনীতি প্ৰতিষ্ঠাৰ বাবে অসমৰ ছাত্ৰ তথা যুৱ সমাজৰ অংশগ্ৰহণ অনিবার্য।
Also Read: Breaking টীয়কৰ মেলেঙত ভয়ংকৰ ঘটনা; মাহীমাক আৰু পিতৃয়ে হত্যা কৰিলে পুত্ৰক
সেয়ে অসমৰ সচেতন ছাত্ৰ তথা যুৱ সমাজক ৰাজনীতি সলাব খোজা এই বিপ্লৱৰ অংশীদাৰ হৈ একেলগে হাতে হাত ধৰি আগবাঢ়ি যোৱাৰ বাবে আহ্বান জনাইছে।
অসমৰ জাতীয় জীৱনৰ বিৰোধী যিকোনো সিদ্ধান্তৰ বিৰুদ্ধে আপোচহীন স্থিতি গ্ৰহণ কৰা ছাত্ৰ যুৱ সংগ্ৰাম সমিতিয়ে আগন্তুক দিনত অসমৰ জাতীয় জীৱনৰ যিকোনো সমস্যাত আৰু অধিক শক্তিশালী ৰূপত দায়বদ্ধতাৰে আগবাঢ়ি যাব বুলি প্ৰতিশ্ৰুতিবদ্ধ।
সাম্প্রতিক ক’ভিদ মহামাৰীত ক্ৰমাৎ ভগ্নপ্রায় অৱস্থালৈ গতি কৰা অসমৰ শিক্ষা ব্যৱস্থাক লৈ আমি উদ্বিগ্নতা প্ৰকাশ কৰি ছাত্ৰ যুৱ সংগ্ৰাম সমিতিয়ে আগন্তুক দিনত প্ৰতিখন জিলাতেই ছাত্ৰ-ছাত্ৰীসকলক অনলাইন অথবা অফলাইন পদ্ধতিৰে বিনামূলীয়া শিক্ষা প্ৰদান কৰাৰ বাবে উদ্যোগ গ্ৰহণ কৰিব।
Also Read: পুনৰ উত্তপ্ত হোৱাৰ দিশে ৰাভা হাছং; ৰাজ্য চৰকাৰৰ সিদ্ধান্তত জাঙুৰ খাই উঠিছে ৰাভা জাতীয় সংগঠন
ছাত্র যুৱ সংগ্রাম সমিতিয়ে অসমবাসী যুৱ তথা ছাত্র সমাজক অনুৰোধ জনায় যে তেওঁলোকে পুৰণা কিতাপ পত্ৰ সমিতিলৈ দান কৰিব পাৰে যাৰ যোগেদি সমিতিয়ে দৰিদ্ৰ পৰিয়ালৰ ছাত্ৰ-ছাত্ৰীক কিছু পৰিমাণে হলেও সকাহ দিব পাৰে।
যিসকলে এনে দান দিব বিচাৰে তেওঁলোকে সমিতিৰ জিলা পৰ্যায়ৰ কাৰ্যকৰ্তাসকলৰ সৈতে যোগাযোগ কৰিব পাৰিব।
আনহাতে, আগন্তুক দিনত অসমৰ প্ৰতিখন জিলাতেই অতি কমেও এটাকৈ হ’লেও পুথিভঁৰাল ছাত্র যুব সংগ্ৰাম সমিতিৰ উদ্যোগত আৰম্ভ কৰাৰ বাবে সিদ্ধান্ত গ্ৰহণ কৰা হৈছে। এই সিদ্ধান্ত অসমত কিতাপ পঢ়াৰ আন্দোলনৰ এক মাইলৰ খুটি স্বৰূপে পৰিগণিত হ’ব বুলি ছাত্র যুৱ সংগ্রাম সমিতিয়ে আশা ব্যক্ত কৰিছে।
