Santosh Trophy সন্তোষ ট্ৰফীৰ অসমৰ চিনিয়ৰ ফুটবল দলৰ গ’লৰক্ষকৰ প্ৰশিক্ষকৰ দৰে গধুৰ দায়িত্ব লাভ কৰিছে বোকাখাতৰ প্ৰাক্তন কৃতি ফুটবল খেলুৱৈ লোচন শইকীয়াই ৷ এনে দায়িত্ব লাভ কৰা লোচন শইকীয়াই হৈছে বোকাখাতৰ প্ৰথমগৰাকী খেলুৱৈ ৷
১৯৮১ চনত বোকাখাতত জন্মগ্ৰহণ কৰা লোচন শইকীয়াই বোকাখাত ষ্টেডিয়ামত ১৯৯১ চনত ফুটবল জীৱনৰ পাতনি মেলিছিল ৷
১৯৯৯ চনত গুৱাহাটীৰ টাউন ক্লাবৰ হৈ খেলিবলৈ লোৱা লোচন শইকীয়াই পৰৱৰ্তী সময়ত অসম পুলিচত যোগদান কৰে৷
তেওঁ ২০০০ বৰ্ষত মহাৰাষ্ট্ৰৰ কোলাহপূৰত অনুষ্ঠিত হোৱা সৰ্বভাৰতীয় স্কুল ফুটবল চেম্পিয়নশ্বিপত চেম্পিয়নৰ খিতাপ দখল কৰা অসম দলক প্ৰতিনিধিত্ব কৰিছিল ৷
একেদৰে ২০০৬ বৰ্ষত লোচন শইকীয়াই সন্তোষ ট্ৰফীত অসম দলক প্ৰতিনিধিত্ব কৰিছিল ৷ বি এন মল্লিক সোৱঁৰণী সৰ্বভাৰতীয় পুলিচ ফুটবল টুৰ্নামেণ্টতো অসম দলক ৪ বাৰকৈ প্ৰতিনিধিত্ব কৰিবলৈ সক্ষম হৈছিল লোচন শইকীয়া ৷
Also Read: Crime in the City পুনৰ মহানগৰীত ৰহস্যজনক হত্যাকাণ্ড! ঘৰৰ ভিতৰতে হানি খুচি হত্যা কৰাৰ সন্দেহ এজন লোকক
বৰ্তমান এপ্ৰ’ ৰ গ্ৰাচৰুট ফুটবল ক’চিংৰ মুখ্য প্ৰশিক্ষকৰ দায়িত্বত থকা তথা এ এফ চি ৰ ফুটবল প্ৰশিক্ষকৰ ডি লাইচেঞ্চ প্ৰাপ্ত লোচন শইকীয়াৰ এই সফলতাত বোকাখাতবাসী উৎফুল্লিত হৈছে ৷
লোচন শইকীয়া বোকাখাতৰ ইন্দ্ৰেশ্বৰ শইকীয়া আৰু সাৰদা শইকীয়াৰ সুযোগ্য সন্তান ৷
