গোৱালপাৰাৰ প্ৰধানমন্ত্ৰী গ্ৰাম চড়ক যোজোনাৰ অধীনত নিৰ্মান কাৰ্য চলি থকা এটা পথত ঠিকাদাৰৰ বিৰুদ্ধে দুৰ্নীতি সংঘটিত কৰাৰ গুৰুতৰ অভিযোগ উত্থাপন কৰিছে ৰাইজে ৷ কিয়নো পথচোৱাৰ পকীকৰণ সময় ২৪ ঘন্টা নহঁওতে চপৰা চপৰে খহিবলৈ ধৰিছে পথটো৷
মাটিয়াৰ পৰা বাকাইটাৰী হৈ শিমলীতোলালৈ যোৱা ১২.২০ কিঃমিঃ দৈৰ্ঘ্যৰ পথচোৱা ১০ কৌটি ৭৫ লাখ টকা ব্যয় সাপেক্ষে নিৰ্মাণ কাৰ্য চলাই থকা “জয়ন্তী কন্ট্ৰাক্টৰ্ছ এণ্ড ইঞ্জিনিয়াৰ লিমিটেড” নামৰ প্ৰতিষ্ঠানটোৰ বিৰুদ্ধে ৰাইজে উত্থাপন কৰিছে দুৰ্নীতি সংঘটিত কৰাৰ এই গুৰুতৰ অভিযোগ ৷
নিৰ্মাণৰ ২৪ ঘণ্টা সময় উকলি নাযাওতে চপৰা চপৰে খহিবলৈ ধৰিছে পকী পথচোৱা ৷ হাতেৰে উঠাই দিলেই উঠি আহিছে ব্লেক ট’পিং কৰা পথ ৷
Also Read: হোৱাটছ এপ গ্ৰুপত সদস্যই আপত্তিজনক পোষ্ট দিলে দায়ী হ’ব নেকি এডমিন? কি ক’লে ন্যায়ালয়ে?
অতি নিম্নমানৰ সামগ্ৰীৰে পথ পকীকৰণৰ কাম কৰি চৰকাৰৰ টকা হৰলুকি কৰাৰ ফন্দি পতা বুলি অভিযোগ আনি প্ৰতিষ্ঠানটোৰ বিৰুদ্ধে ক্ষোভ উজাৰিছে ৰাইজে ৷
পথ পকীকৰণৰ এটা দিন পিচতে পথৰ শিলবোৰ ওলাই পৰাত পুনৰ জৰাজীৰ্ণ হৈ পৰিছে পথটো ৷
দুৰ্নীতি সংঘটিত কৰা এই ঠিকাদাৰ তথা এই প্ৰতিষ্ঠানটোৰ বিৰুদ্ধে বিভাগীয় কৰ্তৃপক্ষই অতি সোনকালে ব্যৱস্থা গ্ৰহণ কৰিব লাগে আৰু পথটোৰ ঠাইয়ে ঠাইয়ে খহিবলৈ ধৰা অংশ ভালদৰে মেৰামতিৰ ব্যৱস্থা কৰিব লাগে বুলি স্থানীয় ৰাইজে দাবী কৰে৷
Also Read: ছচিয়েল মিডিয়াত অশ্লীল ছবি-ভিডিঅ’ প’ষ্ট কৰি আইনী জাননীৰ সন্মুখীন মোহময়ী অভিনেত্ৰী
ইপিনে দুৰ্নীতিৰ আশ্ৰয় লৈ পথ পকীকৰণ কৰা ঠিকাদাৰৰ বিৰুদ্ধে ৰাইজে ইতিমধ্যে জিলা উপায়ুক্তক লিখিত অভিযোগো দাখিল কৰিছে ৷
ঠিকাদাৰে নিজৰ মইমতালিৰে, খেয়ালখুচি মতে অতি নিম্নমানৰ কাম কৰা বুলি ৰাইজে মন্তব্য কৰিছে ৷
