চন্দ্ৰকমল বেজবৰুৱা মহাবিদ্যালয়, টীয়কৰ ৰাষ্ট্ৰীয় সেৱা যোজনা গোট (এন এছ এছ) আৰু ব্যক্তিত্ব বিকাশ আৰু সংস্থাপন কোষৰ যৌথ উদ্যোগত ভাৰত চৰকাৰৰ ‘আজাদী কি অমৃত মহোৎসৱ’ৰ লগত সংগতি ৰাখি আজি বিয়লি চন্দ্ৰকমল বেজবৰুৱা উচ্চ মাধ্যমিক বিদ্যালয়, বলমাত এটি বিশেষ অনুপ্ৰেৰণামূলক অনুষ্ঠান অনুষ্ঠিত হৈ যায়।
চন্দ্ৰকমল বেজবৰুৱা উচ্চ মাধ্যমিক বিদ্যালয়, বলমাৰ প্ৰধান শিক্ষক বিপিন ওজাই উদ্বোধন কৰা অনুষ্ঠানটিত আদৰণি ভাষণ প্ৰদান কৰে চন্দ্ৰকমল বেজবৰুৱা মহাবিদ্যালয়, টীয়কৰ শিক্ষা বিভাগৰ মুৰব্বী তথা ৰাষ্ট্ৰীয় সেৱা যোজনা গোট (এন এছ এছ)ৰ সমন্বয়ক জীৱন বৰুৱাই।
‘আমাৰ দেশৰ সংবিধানখনৰ বিষয়ে জানো আহাঁ’ শীৰ্ষক বিষয়ত বক্তৃতা প্ৰদান কৰে চন্দ্ৰকমল বেজবৰুৱা মহাবিদ্যালয়, টীয়কৰ ৰাজনীতি বিজ্ঞান বিভাগৰ পঞ্চম ষাণ্মাসিকৰ শিক্ষাৰ্থী প্ৰিয়াংকী বৰা, পিংকু কলিতা আৰু পল্লৱী বৰাই।
বিদ্যালয়খনৰ শিক্ষক-শিক্ষয়িত্ৰী আৰু নৱম আৰু দশম শ্ৰেণীৰ শতাধিক শিক্ষাৰ্থী তথা চন্দ্ৰকমল বেজবৰুৱা মহাবিদ্যালয়, টীয়কৰ দহগৰাকী শিক্ষাৰ্থীয়ে অংশগ্ৰহণ কৰা অনুষ্ঠানটোত এটি অনুপ্ৰেৰণামূলক বক্তৃতা প্ৰদান কৰে চন্দ্ৰকমল বেজবৰুৱা মহাবিদ্যালয়, টীয়কৰ অসমীয়া বিভাগৰ সহকাৰী অধ্যাপক তথা ব্যক্তিত্ব বিকাশ আৰু সংস্থাপন কোষৰ সমন্বয়ক ড° জয়ন্ত পাঠকে।
অনুষ্ঠানটিৰ শেষত শলাগৰ শৰাই আগবঢ়ায় চন্দ্ৰকমল বেজবৰুৱা উচ্চ মাধ্যমিক বিদ্যালয়, বলমাৰ জ্যেষ্ঠ শিক্ষক ৰূপাংকৰ শৰ্মা পাঠকে।
