বিলাসীপাৰাৰ বাঙালীপাৰা হাই মাদ্ৰাছাত অনুষ্ঠিত দেশী জনোগোষ্ঠীয় মঞ্চ, অসমৰ তৃতীয় দ্বিবাৰ্ষিক অধিৱেশনত জুলফিকৰ আলী শ্বেখক সভাপতি আৰু নুৰল আমিন সৰকাৰক সম্পাদক হিচাপে নিৰ্বাচিত কৰা হয়।
দেশী জনগোষ্ঠীয় মঞ্চ, অসমৰ বিলাসীপাৰা জিলা সমিতিৰ বিদায়ী সভাপতি নহৰুদ্দিন শ্বেখৰ পৌৰোহিত্যত অনুষ্ঠিত সভাখনত পর্যবেক্ষক হিচাপে উপস্থিত থাকে সংগঠনটোৰ কেন্দ্ৰীয় সভাপতি শ্বেইখ হেদায়েতুল্লা আৰু সাধাৰণ সম্পাদক সহিদুল ইছলাম।
বিলাসীপাৰাৰ বেলতলীত অনুষ্ঠিত এখন সভাত দেশী জনগোষ্ঠীয় মঞ্চ, অসমৰ পূৰ্ণাঙ্গ জিলা সমিতিখন গঠন কৰা হয় বুলি নৱ নিৰ্বাচিত জিলা সভাপতি জুলফিকৰ আলী শ্বেখে জানিবলৈ দিছে।
সিদিনাৰ সভাখনত পৰ্যবেক্ষক হিচাপে উপস্থিত থাকে চামছুল হ’ক প্ৰধানী। নৱ নিৰ্বাচিত সভাপতি শ্বেখে জানিবলৈ দিয়া মতে উপ সভাপতি হিচাপে মইনুল হ’ক, সাহিদল ইছলাম, আজিজুল হ’ক, জাহিদুৰ ৰহমান আৰু খুজিৰুল ইছলামৰ লগতে সহকাৰী সম্পাদক হিচাপে ৰফিকুল ইছলাম, চাহিনুৰ ইছলাম, মৌলনা নুৰুল ইছলাম আৰু সহিৰুদ্দিন শ্বেখক নিৰ্বাচিত কৰা হৈছে।
দেশী জনগোষ্ঠীও মঞ্চৰ বিলাসীপাৰা জিলা সমিতিৰ সাংস্কৃতিক সম্পাদক হিচাপে নজেৰ আলী, ছাহজামাল হ’ক, সঞ্জীলা বেগম, ধন ভৰালী হিচাপে বদিউদ জামনক আৰু ৰাজ্যিক প্ৰতিনিধি হিচাপে বদিউদ জামান আৰু প্ৰচাৰ সম্পাদক হিচাপে মেহবুব আলম, ছফিয়ৰ ৰহমান আৰু সুৰত জামাল হ’কক নিৰ্বাচিত কৰা হৈছে।
