কোকেইনসহ গ্ৰেপ্তাৰ হোৱা দুই নাইজেৰিয়ান সৰবৰাহকাৰীৰ স্বীকাৰোক্তিৰ ভিত্তিত পানবজাৰ আৰক্ষীয়ে এজনক গ্ৰেপ্তাৰ কৰিছে।
আৰক্ষীয়ে আটক কৰিলে আন এজনক আৰু সোধা পোছাৰ বাবে আনিলে আন এজনক। ছোনি সোনাৰ নামৰ এজন গাড়ীচালকক গ্ৰেপ্তাৰ কৰা হৈছে।
আৰক্ষীয়ে প্ৰতীক আগৰৱালা নামৰ মাৰোৱাৰী ব্যৱসায়ীক আটক কৰে যদিও সোধা পোছাৰ বাবে আনিলে গাড়ী চালক ছেনিংঠন মাৰাকক।
সুত্ৰ অনুসৰি দুই নাইজেৰিয়ানৰ পৰা কোকেইন সংগ্ৰহ কৰিবলৈ প্ৰতীক আগৰৱালাই পঠাইছিল গাড়ীচালক ছোনি সোনাৰক।
লগতে পঢ়ক: হাজোৰ কুলহাটীত ভয়ংকৰ বিস্ফোৰণ; চিচিটিভিত বন্দী হ’ল সমগ্ৰ দৃশ্য
গাড়ীৰ মালিক প্ৰতীক আগৰৱালাৰ নিৰ্দেশ মতেই শ্বিলঙৰ পৰা গুৱাহাটীলৈ আহিছিল ছোনি সোনাৰ।
আনহাতে, প্ৰতীক আগৰৱালাক ড্ৰাগছ সংগ্ৰহ কৰাৰ নিৰ্দেশ দিছিল দুই মাৰোৱাৰীয়ে।
ইপিনে, দুই মাৰোৱাৰীৰ সন্ধানত ক্ৰাইম ব্ৰান্সে অভিযান চলায় যদিও বৰ্তমানো দুয়োজন পলাতক হৈ আছে। সূত্ৰ অনুসৰি ডাউকী সীমান্ত পাৰ কৰাৰ দায়িত্ব আছিল ছোনি সোনাৰক।
দুই নাইজেৰিয়ানে বাংলাদেশৰ পৰাই মেঘালয় হৈ সোমাইছিল অসমত। তাৰ পিছত দিল্লীলৈ গৈ কোকেইন বিক্ৰী কৰি পুনৰ উভতি আহিছিল অসমলৈ। লগত আছিল কোকেইন। অসমৰ পৰা পুনৰ বাংলাদেশ যোৱাৰ কথা আছিল দুই নাইজেৰিয়ানৰ।
মেঘালয়ৰ মাজেৰে বাংলাদেশলৈ পঠোৱাৰ দায়িত্ব আছিল গাড়ীচালক ছোনি সোনাৰৰ।
প্ৰতীক আগৰৱালাৰ IPC ৰ অধীনত 164 ষ্টেটমেণ্ট আদালতত ৰেকৰ্ড হৈছে।
ইপিনে, এদিনৰ জিম্মাত থকা দুই নাইজেৰিয়ানক হাজিৰ কৰোৱা হয় আদালতত। দুই নাইজেৰিয়ানক পুনৰ ১০ দিনৰ জিম্মাত বিচাৰিছে আৰক্ষীয়ে।
লগতে পঢ়ক: মহানগৰীৰ স্পা পাৰ্লাৰত GMCৰ অভিযান; সন্দেহজনক অৱস্থাত উদ্ধাৰ যুৱক-যুৱতী
উল্লেখযোগ্য যে, শনিবাৰে গুৱাহাটী ৰে’লৱে ষ্টেছনত যুটীয়া আৰক্ষী আয়ুক্ত পাৰ্থ সাৰথি মহন্তৰ নেতৃত্বত ক্ৰাইম ব্ৰান্সে অভিযান চলাই গ্ৰেপ্তাৰ কৰিছিল ইমানুৱেল এনুমা ডাইক আৰু ইফিনি চাৰ্লচ অকোৱাকাজ নামৰ দুই নাইজেৰিয়ানক। দুই নাইজেৰিয়ানৰ পৰা ২০ গ্ৰাম কোকেইন জব্দ কৰিছিল ক্ৰাইম ব্ৰান্সে।
অতি শীঘ্ৰে জালত পৰাৰ সম্ভাৱনা আছে বহু সম্ভ্ৰান্ত ঘৰৰ লোক। পলাতক মাৰোৱাৰী ব্যৱসায়ী এজনৰ নাম কিষাণ আগৰৱাল বুলি জানিব পৰা গৈছে।
