সম্পূৰ্ণ ২১ দিনৰ পিছত অৱশেষত উদ্ধাৰ কৰা হৈছে আমগুৰিৰ দ ঘৰফলীয়া গাঁৱৰ বিউটি গগৈ নামৰ নিৰুদ্দিষ্ট ছাত্ৰীগৰাকীক।
দিছপুৰ আৰক্ষীৰ সহযোগত হালোৱাটিং আৰক্ষীয়ে গুৱাহাটীৰ এখন ল’জৰ পৰা উদ্ধাৰ কৰিছে ছাত্ৰী গৰাকীৰ লগতে এজন লম্পটক।
যোৱা ১১ ফেব্ৰুৱাৰীৰ পৰা নিৰুদ্দেশ হৈ আছিল আমগুৰিৰ দ ঘৰফলীয়াৰ ফুলেশ্বৰী গগৈৰ কন্যা বিউটি গগৈ নামৰ ছাত্ৰী গৰাকী।
লগতে পঢ়ক: আমেৰিকাৰ চিনেটত বক্তৱ্য ৰাখিব ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিয়ে
যুৱতী গৰাকীৰ নিৰুদ্দেশৰ লগত জড়িত মূল অভিযুক্ত গোলাঘাটৰ ধনশিৰিৰ লম্পট জয়ৰাম বৰাকো আৰক্ষীয়ে আটক কৰি ইতিমধে হালোৱাটিং আৰক্ষী থানাত সোধ পোচ অব্যাহত ৰাখিছে।
উল্লেখ্য যে প্ৰায় ৫৫ বছৰীয়া বিবাহিত এই লম্পট চৰিত্ৰৰ জয়ৰাম বৰাই প্ৰেমৰ চলনাৰে যুৱতী গৰাকীক লজত আৱদ্ধ কৰি ৰখাৰ সন্দেহ কৰা হৈছে।
হালোৱাটিং আৰক্ষীৰ এই সফলতাত স্থানীয় জাতীয় সংগঠনে একেমুখে প্ৰশংসা কৰিছ।
