তামুলপুৰ জিলাৰ কুমাৰীকাটা আঞ্চলিক বন বিষয়াৰ কাৰ্য্যালয়ৰ অধীনৰ হাতীডুবাত এছএছবি আৰু বনবিভাগৰ অভিযানত চেগুন কাঠৰ কুণ্ডা সহ এখন মহিন্দ্ৰ পিকআপ ভান জব্দ কৰা হয়৷। জব্দ কৰা মহিন্দ্ৰ পিক আপ ভান খনৰ নম্বৰ হৈছে AS-01 GC-2446 ৷
অভিযান কালত জব্দ কৰা কাঠ খিনিৰ মূল্য ডেৰ লক্ষাধিক টকা হ’ব বুলি কোৱা হৈছে।
শুকুৰবাৰে পুৱতি নিশা ভাৰত-ভূটান সীমান্তৰ ৬৪ নং কোম্পানীৰ পাটকিজুলিস্থিত এছএছবিৰ জোৱান আৰু কুমাৰীকাটা আঞ্চলিক বন বিষয়াৰ কাৰ্য্যালয়ৰ বিষয়া- কৰ্মচাৰী সকলে গোপন খবৰৰ ভিত্তিত এই অভিযান চলাইছিল।
লগতে পঢ়ক: মহানগৰীত বিধ্বংসী অগ্নিকাণ্ডত ভষ্মীভূত হ’ল কেইবাটাও বাসগৃহ
অভিযানকাৰী দলটোৱে হাতীডুবাত বাহনখনত চেগুন কাঠৰ কুণ্ডা তুলি থাকোতে হাতে লোটে জব্দ কৰে ৷
আনহাতে, এছ এছ বি আৰু বন বিভাগৰ অভিযানকাৰী দলৰ আগমনৰ খবৰ আগতীয়াকৈ লাভ কৰি গাড়ীৰ চালক সহ আন লোকসকল সেই ঠাইৰ পৰা পলায়ন কৰিবলৈ সক্ষম হয় ৷
