অসম ৰাজ্যিক নিৰ্বাচন আয়োগে গুৱাহাটী পৌৰ নিগমৰ (জিএমচি) নিৰ্বাচনৰ প্ৰচাৰৰ সময়ত আদৰ্শ আচৰণ বিধি উলংঘন কৰাৰ অভিযোগত মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে তদন্তৰ নিৰ্দেশ দিছে।
ৰাজ্যিক নিৰ্বাচন আয়োগে সোমবাৰে কামৰূপ (মহানগৰ) জিলাৰ উপায়ুক্ত পল্লব গোপাল ঝাক মুখ্যমন্ত্ৰী হিমন্ত বিশ্ব শৰ্মাৰ আদৰ্শ আচৰণ বিধি উলংঘনৰ অভিযোগৰ তদন্ত কৰিবলৈ নিৰ্দেশ দিয়ে।
অসম জাতীয় পৰিষদে (অজাপ) সোমবাৰে নিৰ্বাচন আয়োগৰ ওচৰত অভিযোগ দাখিল কৰি অভিযোগ উত্থাপন কৰে যে নিৰ্বাচনী প্ৰচাৰৰ সময়ত মুখ্যমন্ত্ৰী শৰ্মাই দুৰ্নীতিৰ আশ্ৰয় লৈছে আৰু গুৱাহাটীৰ ভূমিহীন বাসিন্দাসকলক ভূমি পাট্টা প্ৰদান কৰাৰ কথা ঘোষণা কৰি নিৰ্বাচনী আচৰণ বিধি উলংঘা কৰিছে।
লগতে পঢ়ক: সোঁত বৈছে নিষিদ্ধ বিদ্ৰোহী সংগঠন লৈ! পুনৰ আলফা স্বাধীনত যোগদান উজনিৰ দুই যুৱকৰ
অজাপই অভিযোগ কৰিছিল যে মুখ্যমন্ত্ৰী শৰ্মাই অৰুণোদই আঁচনিৰ সম্প্ৰসাৰণৰ লগতে বিজেপি প্ৰাৰ্থীসকলক ভোট দিলে উন্নয়নমূলক কাৰ্যকলাপৰ বাবে প্ৰতিটো ৱাৰ্ডক ১০ কোটি টকাৰ আগবঢ়োৱাৰ প্ৰতিশ্ৰুতি দি ভোটাৰসকলক প্ৰৰোচিত কৰিছিল।
