বন বিভাগে অৱশেষত গুৱাহাটীৰ খাৰঘুলী অঞ্চলত সন্ত্ৰাসৰ সৃষ্টি কৰা পথভ্ৰষ্ট বনৰীয়া ম’হটোক সংজ্ঞাহীন (ট্ৰেংকুলাইজ) কৰিছে।
খাৰঘুলি অঞ্চলৰ স্থানীয় লোকসকলে বুধবাৰে প্ৰথমে বনৰীয়া ম’হটো প্ৰত্যক্ষ কৰিছিল। সন্ধিয়া বন বিভাগৰ লোক অঞ্চলটোত উপস্থিত হৈ এটা নিৰ্মাণৰত স্থানত ম’হটো ধৰা পেলাইছিল।
বনবিভাগে ম’হটো এটা বনৰীয়া ম’হ হ’ব পাৰে বুলি আৰু ই পবিতৰা বন্যপ্ৰাণী অভয়াৰণ্যৰ পৰা বাহিৰলৈ ওলাই অহাৰ সন্দেহ কৰিছিল।
লগতে পঢ়ক: জলসম্পদ বিভাগৰ কাণ্ড: বাঁহ গোজ পুতি ভয়াৱহ খহনীয়া ৰোধৰ চেষ্টা; নিমাত বিধায়ক অখিল গগৈ
বন বিভাগৰ সূত্ৰই জনায় যে বুধবাৰে সন্ধিয়া ম’হটোক ট্ৰেংকুলাইজ প্ৰক্ৰিয়াৰ বাবে চেষ্টা কৰা হৈছিল যদিও যিহেতু জন্তুটো নদীৰ পাৰৰ এলেকাত আছিল, সেয়েহে প্ৰক্ৰিয়াটো বন্ধ কৰা হৈছিল।
“আমি প্ৰক্ৰিয়াটো বন্ধ কৰি দিছিলো কিয়নো ম’হটো নদীত পৰাৰ সম্ভাৱনা আছিল। অৱশ্যে আমি বৃহস্পতিবাৰৰ আগলৈকে জন্তুটোৰ ওপৰত দৃষ্টি ৰাখিছিলো”, সূত্ৰটোৱে লগতে কয়।
সূত্ৰটোৱে লগতে কয় যে বৃহস্পতিবাৰে আবেলি ম’হটো অৱশেষত ট্ৰেংকুলাইজ কৰা হৈছে আৰু সুৰক্ষিতভাৱে উদ্ধাৰ কৰা হৈছে।
লগতে পঢ়ক: অসম প্ৰদেশ কংগ্ৰেছ কমিটিৰ কাৰ্যনিৰ্বাহকৰ পৰা নেতা ৰকিবুল হুছেইনৰ পদত্যাগ! বাতৰি অস্বীকাৰ হুছেইনৰ
ম’হটো এতিয়া পৰ্যৱেক্ষণৰ বাবে অসম ৰাজ্যিক চিৰিয়াখানাত ৰখা হ’ব আৰু তাৰ পিছত ইয়াৰ বসতি নিশ্চিত হোৱাৰ পিছত বনাঞ্চলত মুকলি কৰি দিয়া হ’ব।
উল্লেখ্য যে ম’হটো মহানগৰীৰ ৰাস্তাত পথভ্ৰষ্টহৈ ঘুৰি ফুৰাৰ সময়ত কোনো কোনো ধৰণৰ ক্ষতিৰ খবৰ পোৱা হোৱা নাই।
