ৰাজ্যৰ বিয়াগোম জলসম্পদ বিভাগৰ কাৰ্য দেখি সকলোৰে চকু কপালত উঠা ঘটনা। খহনীয়া ৰোধৰ বাবে বাঁহ গোজ পুতিয়েই দায়িত্ব সামৰিলে শিৱসাগৰৰ জল সম্পদ বিভাগে।
দিচাংমুখৰ অফলাৰ পিছত এতিয়া শিৱসাগৰৰ বেতবাৰী চেতিয়া কৈৱৰ্ত্ত দুৱৰী গাঁৱত দিচাং নদীৰ ভয়াৱহ খহনীয়া আৰম্ভ হৈছে। প্ৰতিদিনে চপৰা চপৰে গৰা খহি থকাত নিশ্চিন্ন হোৱাৰ উপক্ৰম হৈছে মথাউৰি।
খহনীয়া স্থানত কেৱল মাত্ৰ বাঁহৰ খুটা পুতি খহনীয়া ৰোধৰ চেষ্টা চলাইছে দক্ষ মন্ত্ৰী পিয়ুষ হাজৰিকাৰ অধীনৰ জল সম্পদ বিভাগে।
লগতে পঢ়ক: যোৰাবাট আৰক্ষীৰ জালত ৫ জনীয়া ডকাইতৰ দল, চোকা অস্ত্ৰ জব্দ
উল্লেখ্য যে শিৱসাগৰৰ বেতবাৰী মৌজাৰ চেতিয়া কৈৱৰ্ত্ত দুৱৰী গাঁৱত দিচাং নদীৰ খহনীয়াত জাহ গৈছে মথাউৰিৰ এটা আংশ। যাৰ বাবে এতিয়া সমগ্ৰ বেতবাৰী মৌজাৰ লগতে শিৱসাগৰ চহৰলৈও ভাবুকি কঢ়িয়াই আনিছে।
দিচাং নদীৰ এই ভয়াৱহ খহনীয়া ৰোধৰ বাবে জলসম্পদ বিভাগে কেৱল বাঁহৰ গোজ পুতিয়েই দায়িত্ব সামৰাত বৰ্তমান উজাগৰে নিশা পাৰ কৰিবলগীয়া হৈছে গাঁওবাসীয়ে।
লগতে পঢ়ক: ৰাজ্যত পুনৰ এনকাউণ্টাৰ: কোকৰাঝাৰত আৰক্ষীৰ গুলীত ধৰাশায়ী ধৰ্ষণকাৰী আফৰুদ্দিন
দিচাং নদীৰ এই খহনীয়া ৰোধৰ বাবে স্থায়ী সমাধান কৰিবলৈ ৰাইজে মন্ত্ৰী পিয়ুষ হাজৰিকাক দাবী জনাইছে।
ইপিনে, গাওঁবাসীৰ অভিযোগ এই ক্ষেত্ৰত নিৰৱ দৰ্শক হৈ আছে স্থানীয় বিধায়ক অখিল গগৈ।
