আমেৰিকাই হওঁক বা আন কোনো পশ্চিমীয়া দেশেই হওঁক, বৰ্ণবৈষম্যই এতিয়া বহুতৰে জীৱন বিপন্ন কৰি তুলিছে। আমেৰিকাত বাস কৰা ভাৰতীয়মূলৰ বহুলোক ইতিমধ্যে দেশ খনত বৰ্ণ বৈষম্যৰ চিকাৰ হ’বলগীয়া হৈছে। শেহতীয়াকৈ খোদ ডাম’ক্ৰেটিক দলৰেই নেত্ৰী তথা মাৰ্কিন ৰাষ্ট্ৰপতি পদৰ প্ৰাক্তন প্ৰাৰ্থী তুলসী গাবাৰ্ডেও স্পষ্ট ভাবে বৰ্ণ বৈষম্যৰ প্ৰসংগ উত্থাপন কৰি দলটোৰ পৰা পজত্যাগ কৰিছে।
ইয়াৰ পিছতে গাবাৰ্ডে আনকি হিটলাৰৰ সৈতে মাৰ্কিন ৰাষ্ট্ৰপতি জো বিডেনক তুলনা কৰিছে । বৰ্ণ বৈষম্যৰ বাবেই হয়তো শেহতীয়াকৈ ডেমক্ৰেটিক পাৰ্টিত ফাঁট মেলা পৰিলক্ষিত হৈছে। দলটোৰ প্ৰভাৱশালী নেত্ৰী তুলসী গাবাৰ্ডে হঠাতে পদত্যাগ কৰাৰ কথাই এতিয়া মাৰ্কিন ৰাজনীতত জোকাৰণি তুলিছে। গাবাৰ্ড ২০২০ চনত ৰাষ্ট্ৰপতি পদৰ বাবে প্ৰতিদ্বন্দিতা কৰা প্ৰথম হিন্দু-আমেৰিকান প্ৰাৰ্থী আছিল।
প্ৰাক্তন কংগ্ৰেছী মহিলা আৰু ২০২০ চনত হোৱাইট হাউছৰ বাবে প্ৰতিদ্বন্দিতা কৰা প্ৰথম হিন্দু আমেৰিকান তুলসী গাবাৰ্ডে আমেৰিকাৰ ৰাষ্ট্ৰপতি জো বিডেনক এডলফ হিটলাৰৰ সৈতে তুলনা কৰাৰ কথাই প্ৰতিক্ৰিয়াৰ সৃষ্টি কৰিছে। শাসনাধিষ্ঠিত ডেমক্ৰেটিক পাৰ্টিৰ পৰা প্ৰস্থান কৰাৰ পিছতে গাবাৰ্ডে বিডেনৰ বিৰুদ্ধে এনে মন্তব্য কৰে।
মানচেষ্টাৰৰ এখন চহৰত অনুষ্ঠিত বোল্ডুক টাউন হল অনুষ্ঠানত ভাষণ দি হাৱাইৰ প্ৰাক্তন নেত্ৰীগৰাকীয়ে কয় যে তেওঁ “সম্পূৰ্ণ নিশ্চিত যে বিডেন আৰু হিটলাৰ দুয়োৰে মাজত আধিপত্যবাদী আচৰণক ন্যায়সঙ্গত কৰাৰ চেষ্টা অব্যাহত আছে। “। গাবাৰ্ডে কয় ” আনকি হিটলাৰেও ভাবিছিল যে তেওঁ জাৰ্মানীৰ বাবে সৰ্বশ্ৰেষ্ঠ কাম কৰি আছে। একেদৰেই চিন্তা কৰিছে বিডেনেও। এয়া আমাৰ গণতন্ত্ৰৰ প্ৰতি ভাবুকি” ।
গাবাৰ্ডে ডেম’ক্ৰেটিক দলটোক ” অভিজাত দল” বুলি আখ্যা দি পদত্যাগ কৰিছিল। যোৱা ২০ বছৰ ধৰি আমেৰিকা যুক্তৰাষ্ট্ৰৰ প্ৰাক্তন কংগ্ৰেছী মহিলাগৰাকী দলটোৰ এগৰাকী অন্যতম সদস্যা আছিল। “মই আৰু আজিৰ ডেম’ক্ৰেটিক পাৰ্টিত থাকিব নোৱাৰো। যিটো দল এতিয়া কাপুৰুষৰ দ্বাৰা পৰিচালিত হৈ আছে।
যিসকলে প্ৰতিটো বিষয়ক বৰ্ণবাদ কৰি আমাক বিভক্ত কৰে । গাবাৰ্ডে এটা ভিডিঅ’ত ‘বৰ্ণবাদ,’ শিৰোনাম দি ৰাজহুৱা কৰিছে। ভিডিঅ’টোত তেওঁ এইদৰে কৈছিল : “আজিৰ ডেম’ক্ৰেটসকলে প্ৰতিটো বিষয়ক বৰ্ণবিদ্বেষ কৰি বিভক্ত কৰে আৰু আমাৰ সংবিধানত সন্নিবিষ্ট আমাৰ ঈশ্বৰ-প্ৰদত্ত স্বাধীনতাক ক্ষুণ্ণ কৰিবলৈ সক্ৰিয়ভাৱে কাম কৰি আছে। আজিৰ ডেমোক্ৰেটসকল বিশ্বাস আৰু আধ্যাত্মিকতাত বিশ্বাসী লোকসকলৰ প্ৰতি বিদ্বেষী হৈ পৰিছে। তেওঁলোকে আৰক্ষীক বিভ্ৰান্ত কৰে অপৰাধীসকলক সুৰক্ষা দিয়ে। সৰ্বোপৰি, আজিৰ ডেমক্ৰেটসকলে আমাক পাৰমাণৱিক যুদ্ধৰ পৰিবেশৰ মাজলৈ টানি নিছে”।
