অসমৰ আাধুনিক চিত্ৰকলা জগতৰ এগৰাকী অনন্য বাটকটীয়া নীলপৱন বৰুৱাৰ স্বাস্থ্যৰ অৱস্থা সংকটজনক বুলি জানিবলৈ পোৱা গৈছে। যোৱা ২২ ছেপ্তেম্বৰ তাৰিখে নিশা জ্বৰ কাহত ভুগি থকাৰ বাবে গুৱাহাটী চিকিৎসা মহাবিদ্যালয়ত ভৰ্তি কৰোৱা হৈছিল শিল্পীগৰাকীক। তেতিয়াৰে পৰা গুৱাহাটী চিকিৎসা মহাবিদ্যালয়ত ভৰ্তি হৈ আছিল চিত্ৰশিল্পী নীলপৱন বৰুৱা। হাস্পাতালত ভৰ্তি কৰাৰ পিছত জ্বৰ কাহৰ পৰা শিল্পীগৰাকী লাহে লাহে সুস্থ হৈ উঠিছিল যদিও পৰৱৰ্তী সময়ত শ্বাস-প্ৰশ্বাসজনিত কাৰণত পুনৰ অসুস্থ হৈ পৰে।
গুৱাহাটী চিকিৎসা মহাবিদ্যালয়ৰ চিকিৎসকে জানিবলৈ দিয়াৰ মতে নীলপৱন বৰুৱাৰ স্বাস্থ্যৰ অৱস্থা বৰ্তমান খুবেই সংকটজনক অৱস্থাত। যোৱা নিশাৰ পৰাই নীলপৱন বৰুৱাৰ শ্বাস প্ৰশ্বাস আৰু ৰক্তচাপৰ সমস্যা অধিক গুৰুত্বৰ হৈছে বুলি চিকিৎসকৰ পৰা জানিবলৈ পোৱা গৈছে। চিকিৎসকে বৰ্তমান কৃত্ৰিম পদ্ধতিৰে শ্বাস-প্ৰশ্বাস লোৱাৰ ব্যৱস্থা কৰিছে। চিকিৎসকে কোৱা মতে -শিল্পীগৰাকীয়ে কেতিয়া নিজেই প্ৰাকৃতিকভাবে উশাহ নিশাহ ল’ব পাৰিব সেই সম্পৰ্কে এতিয়াই ক’ব পৰা নাযায়। মুঠৰ ওপৰত শিল্পীগৰাকীৰ স্বাস্থ্যৰ অৱস্থা খুবেই সংকটজনক।
ইতিমধ্যে দিবলগীয়া সকলো ঔষধ প্ৰদান কৰা হৈছে নীলোপৱন বৰুৱাক। লগতে কেইবাটাও বিভাগৰ বিশেষজ্ঞ চিকিৎসকে প্ৰতিমুহূৰ্ততে নিৰীক্ষণ কৰি আছে শিল্পীগৰাকীক।
