৩৬ বছৰৰ অপেক্ষাৰ সমাপ্তি ঘটাই মেছিৰ আৰ্জেণ্টিনাই ফ্ৰান্সক পৰাস্ত কৰি ফিফা বিশ্বকাপ জিকি লে। দেওবাৰে নিশা টাইব্ৰেকাৰত ফ্ৰান্সক ৪-২ গ’লত পৰাস্ত কৰি মেছিৰ বিশ্বকাপ জয়ৰ সপোন পূৰণ হয়। কিন্তু এনে এটা সুখৰ দিনতো ফিফাই মেছিৰ বাবে বেয়া খবৰ এটা দিছে। বিশ্বকাপৰ ঠিক পিছতে ফিফাই ৰেংকিং মুকলি কৰে। আশ্চৰ্যজনকভাৱে, আৰ্জেণ্টিনাই বিশ্বকাপৰ শীৰ্ষত উপনীত হ’ব নোৱাৰিলে। বিশ্বকাপৰ পাছতো ব্ৰাজিলেই শীৰ্ষ স্থান বজাই ৰাখিছে।
২০২২ চনৰ ফেব্ৰুৱাৰী মাহত ব্ৰাজিলে বেলজিয়ামক পিছ পেলাই ফিফা ৰেংকিঙৰ শীৰ্ষস্থান দখল কৰে। তেতিয়াৰ পৰা তেওঁলোকে একেৰাহে ১০ মাহৰ বাবে শীৰ্ষ স্থান বজাই ৰাখিছে।
লগতে পঢ়ক: ধনৰ বাবে মহিলাক প্ৰতাৰণা আই পি এছ বিষয়াৰূপী প্ৰতাৰকৰ: তদন্তত ওলাল জোলোঙাৰ মেকুৰী
বিশ্বকাপৰ কোৱাৰ্টাৰ ফাইনেলত ব্ৰাজিল ক্ৰোৱেছিয়াৰ হাতত পৰাজিত হয়। ব্ৰাজিলে বিশ্বকাপত তিনিখন মেচ জিকিছে। তেওঁলোকে কেমেৰুনৰ হাতত পৰাজয়ৰ লগতে ক্ৰোৱেছিয়াৰ বিৰুদ্ধে ড্ৰ’ খেলিছিল।
২০২১ চনৰ কোপা এমেৰিকা, ২০২২ চনৰ ফাইনেলিজমা ট্ৰফী আৰু ২০২২ চনৰ কাটাৰ বিশ্বকাপ জয় কৰাৰ পিছতো আৰ্জেণ্টিনা ফিফা ৰেংকিঙৰ এক নম্বৰ দল হোৱা নাই। নিৰ্ধাৰিত সময়ৰ ভিতৰত বিশ্বকাপৰ ফাইনেলত ফ্ৰান্সক পৰাস্ত কৰিব পাৰিলে আৰ্জেণ্টিনা শীৰ্ষস্থানলৈ আহিব পাৰিলেহেঁতেন, কিন্তু সেইটো কৰিবলৈ ব্যৰ্থ হ’ল মেছি বাহিনী।
আৰ্জেণ্টিনা আৰু ফ্ৰান্স দুয়োটাই ক্ৰমান্বয়ে দ্বিতীয় আৰু তৃতীয় স্থানত আছে। আনহাতে, বেলজিয়াম দুটা ক্ৰম পিছ পৰি চাৰি নম্বৰত আছে। ইংলেণ্ড আৰু নেডাৰলেণ্ড ক্ৰমান্বয়ে পাঁচ আৰু ছয় নম্বৰত আছে। ক্ৰোৱেছিয়াৰ শীৰ্ষ দহখনত আটাইতকৈ ডাঙৰ উত্থান ঘটিছে। তেওঁলোকে দশম স্থানৰ পৰা ৭ম স্থানলৈ উঠিছে।
লগতে পঢ়ক:খালেক উবাচ! ‘অসম পুত্ৰ মেছি’ৰ বিশ্বকাপ জয়ৰ আনন্দত আত্মহাৰা সাংসদ আব্দুল খালেক
আনহাতে, বিশ্বকাপত অংশগ্ৰহণ নকৰাকৈ ইটালী অষ্টম স্থানত আছে। পৰ্তুগাল ৯ নং স্থানত আছে আৰু স্পেইন আছে দশম স্থানত। মৰক্কো এই বিশ্বকাপৰ আটাইতকৈ আকৰ্ষণীয় দল আছিল। তেওঁলোকে তেওঁলোকৰ ফুটবল ইতিহাসৰ সৰ্বোচ্চ স্থানত উপনীত হৈছে। ১১ নম্বৰত স্থান পাইছে আফ্ৰিকান সিংহই।
