গোৱাত সংঘতিত হৈছে এক ভয়ানক কাণ্ড। নিজৰেই দুই সন্তানক হত্যা কৰি আত্মহত্যা কৰিলে পাষাণ পিতৃয়ে।
যোৱা শনিবাৰে গোৱাৰ কেন্দোলিমত এজন পিতৃয়ে নিজৰ দুই সন্তানক হত্যা কৰি আত্মহত্যাৰ পথ বাচি লয়।
আৰক্ষীৰ সূত্ৰ অনুসৰি হত্যাকাৰী যোৱা শনিবাৰে বিয়লি ব্যক্তিজনৰ পত্নীয়ে টিউচন দিবলৈ ঘৰৰ বাহিৰলৈ ওলাই যায়। বিয়লি ৫ মান বজাত টিউচনৰ পৰা ঘৰলৈ উভটি আহি তেখেতৰ পত্নীয়ে ঘৰৰ দুৱাৰত টোকৰ দিয়ে। কিন্তু কোনেও দৰ্জা খুলি নিদিয়াত প্ৰায় পাঁচ ঘন্টা সময় ঘৰৰ বাহিৰতে বহি থাকে।
অৱশেষত নিশা ১০.৩০ বজাত ওচৰ চুবুৰীয়াৰ সহযোগত ঘৰৰ দুৱাৰ ভাঙি মহিলাগৰাকী ভিতৰলৈ সোমাই যায়। ভিতৰত সোমাই মহিলাগৰাকীয়ে নিজৰ ১৫ বছৰীয়া কন্যা আৰু ৮ বছৰীয়া পুত্ৰৰ মৃতদেহ বিচনাত পৰি থকা অৱস্থাত দেখা পায়।
তাৰপিছতে মহিলাগৰাকীয়ে স্বামীক বিচাৰ-খোচাৰ কৰে। কিছুসময়ৰ পিছতে মহিলাগৰাকীয়ে ঘৰৰ পিছফালে তেখেতৰ স্বামী তথা দুই মৃত সন্তানৰ পিতৃক এজোপা গছত চিপ লৈ থকা অৱস্থাত দেখা পায়।
আৰক্ষীৰ তথ্য মতে দুই সন্তানক হত্যা কৰি নিজেও আত্মহত্যা কৰে মহিলাগৰাকীৰ স্বামীয়ে।
