৫ বছৰৰ দীৰ্ঘ বিৰতিৰ মূৰত মুক্তি পাইছে শ্বাহৰুখ খানৰ ছবি ‘পাঠান’। স্বাভাৱিকতে তেওঁৰ অনুৰাগীসকল এই চিনেমাখনৰ বাবে আগৰেই পৰা উৎসুক হৈ আছিল। কিন্তু শেহতীয়া পাঠানক লৈ হোৱা ধৰ্মীয় বিতৰ্কই অধিক চৰ্চালৈ আনিছে খানৰ শেহতীয়া ছবিখনক।
বিতৰ্কৰ মাজতেই এতিয়া আগতীয়া টিকট বুকিং হিচাপে প্ৰথম দিনাই বক্স অফিচত ধুমুহাৰ সৃষ্টি কৰিছে পাঠানে। কোটি কোটি টকাৰ ব্যৱসায় কৰাৰ সম্ভাৱনা আছে পাঠান নামৰ বিতৰ্কিত ছবিখনে।
চিনেমা ব্যৱসায়ৰ লগত জড়িত বিশ্লেষকসকলে ভৱিষ্যতবাণী কৰিছে যে ছবিখনে প্ৰথম দিনাই ৪০ কোটি টকাৰ ব্যৱসায় কৰিব পাৰে।
এতিয়া চাও আহকচোন, শ্বাহৰুখ খানৰ শেহতীয়া ৫ খন ছবিৰ বক্স অফিচ সংগ্ৰহ কিমান আছিল?
১. ২০১৬ চনৰ ১৫ এপ্ৰিলত মুক্তি লাভ কৰিছিল শ্বাহৰুখ খানৰ ছবি ‘ফেন’নামৰ ছবিখনে। এই ছবিখনত কিং খানক দুটা চৰিত্ৰত দেখা গৈছিল। কিন্তু বক্স অফিচত ভাল ফল লাভ কৰিব নোৱাৰিলে ফেন-এ। তথ্য অনুসৰি ফেন-এ মাত্ৰ ৮৪,০৩,২৫,০০০ টকাৰ ব্যৱসায় কৰিছিল।
২. শেহতীয়া পাঁচখন ছবিৰ ভিতৰত শ্বাহৰুখ খানৰ পৰৱৰ্তী ছবি আছিল ‘ডিয়ৰ জিন্দাগী। আলিয়া ভাট অভিনীত এই ছবিখনে ২০১৬ চনৰ ২৫ নৱেম্বৰত মুক্তি লাভ কৰিছিল। ছবিখনে বক্স অফিচত ৬৬,৪৬,৭৫,০০০ টকাৰ ব্যৱসায় কৰিছিল।
৪. ২০১৭ চনত শ্বাহৰুখ খানৰ আন এখন ছবিয়ে মুক্তি লাভ কৰে। ‘জব হেৰী মেট চেজল’। ইমতিয়াজ আলীৰ পৰিচালনাত নিৰ্মিত এই ছবিখনত অনুষ্কা শৰ্মাই নায়িকাৰূপত অভিনয় কৰিছিল। ছবিখনৰ বক্স অফিচ সংগ্ৰহ আছিল ৬২,০০,৫০,০০০ টকা।
৫. শ্বাহৰুখ খানক শেষবাৰৰ বাবে ৰূপালী পৰ্দাত দেখা গৈছিল ‘জিৰ’নামৰ ছবিখনত। এই ছবিখনে ২০১৮ চনৰ ২১ ডিচেম্বৰত মুক্তি লাভ কৰিছিল। অনুষ্কা শৰ্মা আৰু কেটৰিনা কাইফক দেখা গৈছিল এই ছবিখনত। ছবিখনে মাত্ৰ ৮৮,৭৪,৫০,০০০ টকা উপাৰ্জন কৰে।
উল্লেখ্য যে আজি (২৫ জানুৱাৰী,বুধবাৰে) শ্বাহৰুখ খান অভিনীত ‘পাঠান’ সমগ্ৰ দেশৰ প্ৰায় ৫০০০ পৰ্দাত মুক্তি লাভ কৰিব। Corona মহামাৰীৰ পিছত বলিউড কঁপাই তোলা এইখনেই এখন ছবি। এই ছবিখনে কিমান টকা সংগ্ৰহ কৰিব পাৰে সেয়া হ’ব লক্ষ্যনীয়।
