এজন বিজেপি বিধায়কে উপহাৰ দিয়া শাৰী জ্বলাই দিলে সাধাৰণ জনতাই। যোৱা পাঁচ বছৰত বিধায়কজনে নাগৰিকসকলৰ বাবে কোনো উন্নয়ন কৰা নাই। তাৰেই প্ৰতিবাদত সাধাৰণ মানুহে এনে কাণ্ড কৰে। বিজেপি শাসিত কৰ্ণাটকৰ ঘটনাটোত গেৰুৱা শিবিৰক স্বাভাৱিকতে অস্বস্তিত পেলাইছে। অৱশ্যে, বিধায়কজনে দাবী কৰে যে ঘটনাটো কংগ্ৰেছৰ ষড়যন্ত্ৰ মাথো।
চলিত বছৰতে কৰ্ণাটকত বিধানসভা নিৰ্বাচন অনুষ্ঠিত হ’ব। ইয়াৰ পূৰ্বে, চিকমাগালুৰৰ বিধায়ক চি টি ৰবিয়ে স্থানীয় লোকসকলক শাৰী উপহাৰ দিয়াৰ সিদ্ধান্ত লৈছিল। সেইদৰে, তেওঁৰ সহায়কসকলে শাৰী বিতৰণ কৰিছিল। তেওঁলোকে দাবী কৰিছিল যে উগাদি পৰ্ব উপলক্ষে বিধায়কজনে উপহাৰ প্ৰদান কৰিছে। নতুন বছৰত দক্ষিণ ভাৰতৰ কেইবাখনো ৰাজ্যত এই উৎসৱটো উদযাপন কৰা হয়।
লগতে পঢ়ক: জাৰ্মানীৰ গীৰ্জাত বন্দুকধাৰীৰ আক্ৰমণত নিহত কমেও ৭ জন; আন কেইবাজনো আহত
কিন্তু এই শাৰী উপহাৰ পোৱাৰ পিছতে সেইবোৰ জ্বলাই দিয়া হয়। স্থানীয় লোকসকলে দাবী কৰে যে তেওঁলোকৰ বিধায়কে নিৰ্বাচনৰ আগতে উৎকোচ দি আছে। কিন্তু তেওঁ যোৱা পাঁচ বছৰ ধৰি অঞ্চলটোত তেওঁ কোনো কাম কৰা নাই। কোভিডৰ সময়ত পৰিষ্কাৰ খোৱা পানীৰ অভাৱৰ বাবে তেওঁলোকে সমস্যাৰ সন্মুখীন হৈছে। গতিকে তেওঁলোকে এই উৎকোচ শাৰী নলয়। শাৰী জ্বলোৱাৰ ভিডিঅ’ ইণ্টাৰনেটত ভাইৰেল হৈ পৰিছে।
A voter burnt sarees allegedly distributed by supporters of #BJP Mla CT Ravi complaining that they want overall development of constituency. Education for their children. And they won't be enticed by a saree ahead of elections. #Chikkamagaluru #Karnataka #KarnatakaElection2023 pic.twitter.com/D2MSTSBmq6
— Imran Khan (@KeypadGuerilla) March 9, 2023
ইপিনে, বিজেপি বিধায়ক ৰবিয়ে তেওঁৰ বিৰুদ্ধে উত্থাপিত সকলো অভিযোগ অস্বীকাৰ কৰে। তেওঁৰ মতে, “মিছা আৰু কংগ্ৰেছ প্ৰকৃততে একেটা মুদ্ৰাৰে দুটা পিঠি। কংগ্ৰেছৰ মিছাক সত্য বুলি প্ৰমাণ কৰাৰ ৰোগ আছে। তেওঁলোকে দেখুৱাবলৈ চেষ্টা কৰি আছে যে বিজেপিয়ে একো কৰা নাই। এনেদৰেই কংগ্ৰেছে চৰ্চালৈ আহিব বিচাৰে।”
