গ্ৰাহকৰ বাবে জিঅ’ই পুনৰ মুকলি কৰি দিছে জিঅ’ৰ নতুন প্ৰডাক্ট। এই নতুন প্ৰডাক্টটো হৈছে ভাৰ্চুৱেল ৰিয়েলিটি হেডছেট অৰ্থাৎ ভি আৰ হেডছেট। এই নতুন ডিভাইচটোৰ নাম দিয়া হৈছে JioDive।
আৰম্ভণীতে জিঅ’ই চলন্ত আই পি এলৰ খেলসমূহৰ প্ৰতি লক্ষ্য ৰাখি ক্ৰিকেট প্ৰেমীসকলৰ বাবে এই প্ৰডাক্টটো মুকলি কৰিছে।
কেৱল সেয়াই নহয়, জিঅ’চিনেমা এপত আইপিএলৰ মেচ চোৱাসকলে এই ভিআৰ হেডছেট ব্যৱহাৰ কৰি ক্ৰিকেট মেচ উপভোগ কৰিব পাৰিব। আটাইতকৈ উল্লেখযোগ্য কথাটো হ’ল এই ডিভাইচত ১০০ ইঞ্চি ভাৰ্চুৱেল পৰ্দা আৰু ৩৬০ ডিগ্ৰী দৃশ্যৰ বিকল্প আছে।
লগতে পঢ়কঃ অমৰ্ত্য সেনলৈ বিশ্ব ভাৰতীৰ উচ্ছেদৰ জাননী: প্ৰতিবাদত নামিল বুদ্ধিজীৱী, স্থানীয় ৰাইজ
উল্লেখ্য যে এই ডিভাইচটো কেৱল Jio ব্যৱহাৰকাৰীৰ বাবেহে মুকলি কৰা হৈছে।
জিঅ’ই মুকলি কৰা এই ভি আৰ হেডছেটৰ দাম মাত্ৰ ১২৯৯ টকা। গ্ৰাহকসকলে জিঅ’মাৰ্টৰ অফিচিয়েল ৱেবছাইটৰ পৰা কিনিব পাৰিব এই ডিভাইছটো। জিঅ’মাৰ্টত উপলব্ধ এই হেডছেটো ক্ৰয় কৰিলে জিঅ’ই ৫০০ টকাৰ কেছবেক প্ৰদান কৰিব। পেটিএম ৱালেটৰ জৰিয়তে ধন পৰিশোধ কৰিলে এই কেছবেক উপলব্ধ হ’ব।
গ্ৰাহকে এই ডিভাইচটো ৪.৭ ইঞ্চিৰ পৰা ৬.৭ ইঞ্চিৰ পৰ্দাত ব্যৱহাৰ কৰিব পাৰে। ইয়াত Gyroscope আৰু Accelerometer আছে। এই দুই সুবিধাই ডিভাইছটো অধিক উপভোগ্য কৰি তোলে।
লগতে পঢ়কঃ উত্তপ্ত মণিপুৰ! হিংসাত জড়িতৰ বিৰুদ্ধে ব্যৱস্থা গ্রহণৰ দাবীত গুৱাহাটীতো মণিপুৰী ৰাইজৰ প্ৰতিবাদ
ইতিমধ্যে কোম্পানীয়ে জনাইছে যে এই প্ৰডাক্টটো নন-ৰিফাণ্ডেবল। JioDive এ Android 9+ আৰু iOS 15+ ত কাম কৰিব। ইয়াক ব্যৱহাৰ কৰিবলৈ আপুনি JioImmerse app নামৰ এপ্লিকেশ্যনটো ইনষ্টল কৰিব লাগিব। তাৰ পিছত সকলো অনুমতি দিয়াৰ পিছত আপুনি JioDive নিৰ্বাচন কৰিব লাগিব আৰু তাৰ পিছত JioDive ত Watch ত টেপ কৰিব লাগিব।
তাৰ পিছত আপুনি ফোনটো ভি আৰ মোডত ছেট কৰিব পাৰিব। এই ক্ষেত্ৰত হেডছেট পিন্ধিব লাগিব। ইয়াৰ উপৰিও ইয়াৰ ওপৰত থকা চেণ্টাৰ আৰু কাষৰ চকা ব্যৱহাৰ কৰি ছবিৰ মানদণ্ডও নিজৰ মতে মিলাই ল’ব পাৰিব।
লগতে পঢ়কঃ চকুৰ কূটা দাঁতৰ শাল! তুৰস্কত ৰাছিয়াৰ প্ৰতিনিধিক চৰ-ঘোচা ইউক্ৰেইন সাংসদৰ (ভিডিঅ’ চাওক)
