কৰ্ণাটকত ভোটদান অব্যাহত থকাৰ সময়তে কংগ্ৰেছ কৰ্মীসকলে এল পি জি গেছ চিলিণ্ডাৰত মালা আঁৰি ধূপৰ জ্বলাই পূজা অৰ্চনা কৰে। চিলিণ্ডাৰত পূজা অৰ্চনা কৰা এই ঘটনা ঘটিছে বেংগালুৰুৰ ৰাজাৰাজেশ্বৰী নগৰ অঞ্চলত।
ৰাজ্যত বৃদ্ধি পোৱা দৈনিক অত্যাৱশ্যকীয় সামগ্ৰীৰ মূল্যবৃদ্ধিৰ বাবে দলটোৱে শাসকীয় বিজেপিক তীব্ৰ সমালোচনা কৰিছে।
৮ মে’ত প্ৰচাৰ সমাপ্ত হোৱাৰ দুদিন পিছতে ৰাজ্যখনত ২২৪ জনীয়া বিধানসভাৰ ভোটগ্ৰহণ অব্যাহত থকাৰ সময়তে এই কথা প্ৰকাশ পাইছে।
লগতে পঢ়কঃ ইমৰাণ খানক গ্ৰেপ্তাৰৰ পিছতেই অশান্ত পাকিস্তান : কৰ্তন কৰা হৈছে ইণ্টাৰনেট সেৱা
উল্লেখ্য যে নিৰ্বাচনৰ প্ৰাকক্ষণত দুইটা দলৰ জ্যেষ্ঠ নেতাসকলৰ মাজত তীব্ৰ বাক বিতণ্ডাৰ সৃষ্টি হয়। প্ৰধানমন্ত্ৰী নৰেন্দ্ৰ মোদীয়ে প্ৰতিখন সভাতে কংগ্ৰেছক তীব্ৰ সমালোচনা কৰাৰ বিপৰীতে মল্লিকাৰ্জুন খাৰ্গে, প্ৰিয়ংকা আৰু ৰাহুল গান্ধীয়ে তেওঁৰ বিৰুদ্ধে দুৰ্নীতি আৰু নিবনুৱা সমস্যাৰ অভিযোগ উত্থাপন কৰে।
জানিব পৰা মতে, কৰ্ণাটক বিধান সভাৰ এই নিৰ্বাচনত মুঠ ২৬১৫ গৰাকী প্ৰাৰ্থীয়ে খেলপথাৰত নামিছে। কৰ্ণাটকত ছটা অঞ্চল সামৰি ২২৪টা সমষ্টি আছে। সেই ৬ টা অঞ্চল হৈছে বেংগালুৰু, মধ্য, উপকূলীয়, হায়দৰাবাদ-কৰ্ণাটক, মুম্বাই-কৰ্ণাটক আৰু দক্ষিণ কৰ্ণাটক বা পুৰণি মহীশূৰ অঞ্চল।
#WATCH | Congress workers garland an LPG gas cylinder and burn incense sticks near it, in Bengaluru’s Rajarajeshwari Nagar area#KarnatakaAssemblyElection2023 pic.twitter.com/f3v8XBwswS
— ANI (@ANI) May 10, 2023
মুম্বাই-কৰ্ণাটক আৰু দক্ষিণ কৰ্ণাটক ৰাজ্যখনৰ সৰ্ববৃহৎ অঞ্চল আৰু ইয়াত ক্ৰমে ৫০ টা আৰু ৫১ টা বিধানসভা সমষ্টি আছে।
লগতে পঢ়কঃ অসমত স্থাপন কৰা হ’ব পাঁচখনকৈ POCSO আদালত : মুখ্যমন্ত্ৰীৰ ঘোষণা